Ha pilincho - Ñamandu

Autores: Teodoro S. Mongelós - Toledo Núñez. "Mamógui piko ahendu piririta ne ñe'ẽ. naimo'avéima vaekue ko'arupi rojuhu. Ko che ñe'ã reikutu ha vokóike upe guive techaga'u yma guare che ãngapema ipyahu. Che resa resa rei pe korapyre ajere. Ape ha pépe ama'ẽ hi'ãgui rohechami. Mamómatepa avei reju ko asajepyte che mbyesay haguãite reñe'ẽ asyetei. Kokueréremi ku yma kurupícha asajekue che pytu opahapeve ajeitymi romuña. Ha agã aju che tuja mombyrýma okágui aime. Ha ambyasy ahejahágue ka'aguy ha ñu porã. Oimévapo ku oikove ako che tupãsymi. kuña koygua piretĩ che akã vaimi hague. Mañeípane ha'e cherehe na imandu'ai. ajeipo oime hesarai rojohayhueterõ guare. Py'avai ha ñana uperõmi ndaikuaái. ha okaraygua naimo'ãi tesaraípe oikóvaha. Ko'agã péina ahecha ha upéicha rupi heñoi che küre ko purahei maymáva ohendu haguã. Hípa upe ndajahechái kokue, kuarahy ha ama. Ha okaraygua rembiasa hipa upe ndajahechái. Hi'ãnteko asapukái che ahy'o ipyaúpeve. Chokokue reko asykue ja'erõ ndaja'epái".