जुन्नर तालुका मेडिकल प्रॅक्टिशनर्स असोसिएशनच्या वतीने ५५० झाडांचे वृक्षारोपण करण्यात येणार l

#vighnahartimes #विघ्नहरटाइम्स #sureshvani नारायणगाव : विघ्नहर टाइम्स भविष्यतील पर्यावरणातील होणारा ऱ्हास टाळण्यासाठी जुन्नर तालुका मेडिकल प्रॅक्टिशनर्स असोसिएशनच्या वतीने नारायणगाव ,वारूळवाडी परिसरात ५५० झाडांचे वृक्षारोपण करण्यात येणार असून झाडे खरेदी करण्यासाठी असोसिएशनच्या वतीने नारायणगाव ग्रामपंचायतीकडे धनादेश सुपूर्द करण्यात आला. नारायणगाव चे उपसरपंच योगेश पाटे यांच्याकडे असोसिएशनचे अध्यक्ष डॉ प्रशांत काचळे,जेटीएमपीए ट्रस्टचे चेअरमन डॉ प्रदिप जोशी , सचिव डॉ प्रविण शिंदे,ट्रस्ट सचिव डॉ संदिप काकडे,डॉ महादेव वाणी ,डॉ सारिका फुलवडे,डॉ मयुरी पाटील,डॉ केतकी काचळे,डॉ धीरज तोडकर,डॉ नायकोडी डॉ मयूर पांचाळ ,ग्रामपंचायत सदस्य संतोष दांगट,संतोष पाटे,अरिफ आतार ,हेमंत कोल्हे ,गणेश पाटे ,जालिंदर खैरे आदी मान्यवरांच्या उपस्थितीत ६० हजारांचा चेक देण्यात आला. वृक्षारोपणानंतर झाडाच्या संगोपनाची जबाबदारी नारायणगाव ग्रामपंचायतीने स्वीकारली असून पावसाळ्याच्या सुरुवातीलाच झाडांची लागवड करण्यात येणार आहे . डॉ. प्रशांत काचळे यांनी अध्यक्षपदाची धुरा सांभाळल्यानंतर आपल्या सहकाऱ्यांच्या मदतीने वृक्ष लागवडीसारखा स्तुत्य सामाजिक उपक्रम हाती घेतला आहे. या उपक्रमाचे विविध स्तरांतून स्वागत होत असून पर्यावरण संवर्धनासाठी डॉक्टरांनी पुढे येऊन सामाजिक बांधिलकी जपल्याबद्दल त्यांचे कौतुक केले जात आहे.