Liribvüi Joyingbvüi 2

Liribvüi Osi Joyingbvüi Verse 1] Liribvüi osi wondang e pibvüi, Ni lyuyingcho topvü emüngyanthav. Ni kianzan na tssochyua e byingiala, Ni na e ’mhayio jiang kyon thüngi shümnhyatav; Ni khe na e pio jiang e na jantav. [Verse 2] Obvüi, Nino kvüta longdsüka elii, E na montsso Ni pia Ni khümmala. Ni na mhom e tssoyio ji esüa, E na montsso Ni pia Ni benka elhi tssov, Ni mying dhünga e na Ni elhi tssov. [Bridge] E na nzo tssoe Ni myingdhüng khen dentala, Ematha longshi khen ni denkataka. Phunglan yingsüng osi hayi jothe jiang lona Penroniro, tssüngthilonphen, Osi otssuk omüm shiang topvü Ni na e mhayicho, . . . montsso ka! [Verse 3] Thera-niro osi woro-woni jiang Topvüto na Ni bfüdssontukala. Ni na joyingo shiang nzo tssoe, Omying Ni dhüngia okhen Ni denkatala, Nino nzan, ndho osi thodsü. Ni na Eden phari esüa tjoyingi e vayicho ka si, E datjo elüm lona rokhani sithaka, Tolea enhünga jana Ni khetsen shiang emüngyanthav! Ni na rolam sala, topvü Ni na tssocholam. [Outtro] Liribvüi, joyingbvüi osi oshom, Ni nzan jo e ngüngcheo, ochüm ünlio. E na enhünga Ni khetsen shiang chani zeta Ni bfüdssontuka dentala, Glory to God, hallelujah, Praise the Lord, Ni mying bfüdssontuka!