لي أوتو L6 القادمة للأسواق قريباً - جربناها لكم - تقنيات وأمان وتكنولوجيا ما راح تشوفها في الأوروبي

السلام عليكم وحياكم الله متابعينا الكرام في حلقة جديدة من تجارب شبكة السيارات الصينية. مثل ما عوّدناكم دايمًا نكون السبّاقين في الشرق الأوسط والخليج لتجربة أحدث السيارات الصينية قبل أي أحد، واليوم جايبين لكم تجربة حصرية من قلب الصين، من شوارع شنغهاي مباشرة بعد ما جربنا لكم عدة سيارات من الصين خلال الفترة الماضية (لا تفوتكم على القناة تجارب لسيارات راح تشوفونها قريب في اسواقنا بالخليج والسعودية) السيارة اللي معانا اليوم هي Li Auto L6، السيارة اللي قاعدين يسمّونها في الصين "أصغر أفراد عائلة Li Auto الفاخرة"، لكنها جايبة معاها كل التكنولوجيا والتجهيزات اللي تعوّدنا عليها من لي أوتو في الفئات الأعلى. ________________________________________ شركة Li Auto تعتبر اليوم واحدة من أكبر شركات السيارات الكهربائية والهجينة في الصين، وتشتهر بتقنية EREV – Extended Range Electric Vehicles، اللي تجمع بين محركات كهربائية متطورة مع مولد بنزين يشتغل كـ"مدى ممتد"، عشان يعطيك أفضل ما في العالمين: قيادة كهربائية كاملة، ومدى طويل جدًا بدون قلق من نفاد البطارية. اليوم مع الـ L6، الشركة تبغى تقدم سيارة فاخرة، عملية، وفي نفس الوقت موجهة للعائلات الصغيرة والشباب اللي يدورون على رفاهية وتقنيات عالية بسعر أقل من الفئات الأكبر مثل L7 وL8 وL9. #شبكة_السيارات_الصينية #liauto