Vlog 22: 15 минутанд оюун санааны менежментийн ач холбогдолын талаар | ✨ Sponsored by Yves Rocher ✨

SPONSORED BY:   / yvesrochermongolia   Мэдээж өнгөрсөн 10 жилийн хугацаанд ажил төрөл, гэр бүл, хүүхэд хүмүүжил, өөрийн хувь хүний хөгжил зэрэг чухал зүйлс олон байлаа. Гэхдээ тэр бүр олон нийтэд би яриад байдаггүй хувийн дотоод арчилгаа болох оюун санааны менежмент гэдэг зүйл яагаад чухал болох талаар 15 минутанд багтаан орууллаа. Ойрд ажил амждаггүй ямар сайндаа төрсөн өдрийн орой амрангаа товчхон ч гэсэн та бүхэндээ чадхаараа энгийн байдлаар влогоо хийлээ. Oюун ухаан, бодлын арчилгаа цэвэрлэгээ өөрөөр хэлбэл зохицуулалт нь нүдэнд харагдаад байдаггүй тул хамгийн хүнд ур чадваруудын нэг байсан санагдана. Бид нүдэнд харагддаг юм бүхэнд хурдан түргэн хариу урвал, зохистой арга хэмжээ авч чаддаг бол дотоод хүнээ цаг тухайд нь анхааран, тогтмол бодлын цэвэрлэгээ зэрэгийг тэр бүр хийхгүй явсаар он жилүүдийг өнгөрөөх нь түгээмэл. Дэлхий нийт сэтгэцийн эрүүл мэндийн тал дээр анхаарч байгаа энэ цаг үед би ч гэсэн хувьдаа чадах хэмжээгээр судлаад явсаар байна. Бид амьдралынхаа туршид 8,000 гаруй мэдрэмжүүдийг тогтмол хүрээлэн буй орчноосоо мэдэрдэг. Эргээд мэдэрсэн сөрөг бүхэн, бодол, дурсамж цаашлаад хүний өөрийгөө харах өнцөг, амьдралыг харах итгэл үнэмшил, өдөр тутмын дадал зуршил болсноор эрүүл мэндэд сөргөөр нөлөөлдөг болохыг өөрийн биеэр туулан буй хүний зүгээс залуучууд та бүхэнтэй товч бөгөөд энгийн байдлаар хуваалцлаа. Сөрөг бодлууд таныг, таны амьдралыг удирдах бус та өөрөө хянаж, оюун ухааны менежмeнтийг хийснээр шинэ бодол, шинэ дадал зуршил, эрүүл зөв амьдралын хэв маягт орох боломжтой юм шүү!