Otarlanı Omar- Sınıklık

Tav ellege kara kanla cavgandı, Eki kaya birbirine avgandı. Tav ellege bu sınıklık nek cetti, Kalmay birde nasıbıbız nek ketti. Carlı bizge aman onov biçtile, Bu kafırla kanıbıznı içtile. Onglu bolgan kazavatga kettile, Ongsuzlaga bir ters onov ettile. Biz barabız vagonlada olturup, Etekleni cılamuktan tolturup. Biz barabız ışarmayın, külmeyin, Eltip kayrı kuyarların bilmeyin. Kırgız, Kazak özenlege tögüldük, Tersligibiz bolmaganlay sögüldük. Köçkünçü depkirli bolup atıbız, Coktu bizni kagıtıbız, hatıbız. Kamildantla ızıbızdan marayla, Ultga saklap közübüzge karayla. Kamildantla bizni kütüp turalla, Kol salırga keç kaldın dep uralla. Ölgenleni salır kibik cer bolmay, Kabırlanı kazar kibik er bolmay. Tişiruvla kabır kazuv sınayla, Ölgenlerin kömalmayın cılayla. Köp incilip erkin bolduk şoş bolduk, Tutmaklıktan başıbızga boş bolduk. Endi bizda curtubuzga kayıtayık, Ullu Allah'ga mahtav ıspas aytayık. Kırgız, Kazak konak kibik kördügüz, Kıyın künde bizge hurmet berdigiz. Kırgız, Kazak sav kalıgız salamat, Kabırlanı sizge etebiz amanat.