Ilir Gjoni hedh poshtë akuzat për përfshirje në skandalin e pasaportave - (13 Shtator 2002)

Lajme Arkiva - TV Klan 2002 Ish-ministri i Rendit Publik Ilir Gjoni, ka hedhur poshtë që nga SHBA, të gjitha akuzat e ngritura ndaj tij për përfshirje në skandalin e tenderit të pasaportave. Përmes një deklarate për shtyp, zoti Gjoni sqaron se ndodhet në Amerikë, për të ndjekur studimet për master në Çështje të Sigurisë Kombëtare, studime të cilat parashikohet të zgjasin 18 muaj. Për këtë largim, janë vënë në dijeni të gjitha instancat përkatëse parlamentare. Ish-ministri i Rendit thotë më tej, se ka qenë ai, që ka kërkuar i pari hulumtime mbi procedurat e tenderimit nga KLSH, si dhe nga kontrolli i administratës. Kjo kërkesë është bërë në datën 30 Gusht 2001, i nxitur nga shkrimet në media. Sipas zotit Gjoni, prokuroria e cila hetoi mbi çështjen, u shpreh në atë kohë publikisht, se nuk kishte shkelje në tender. Megjithatë ish-ministri i Rendit shprehet i gatshëm të ndërpresë studimet dhe të kthehet në Shqipëri, nëse prokuroria e sheh të domosdoshme praninë e tij, për të dhënë shpjegime të mëtejshme./tvklan.al Gazetar – Roland Zili SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/