aaditya thackeray - प्रधान मुख्य वनसंरक्षक एम एस रेड्डी यांची चौकशी करावी; आदित्य ठाकरे यांची मागणी

२०२१-२२ साली टायगर कॉन्फ्लिक्टवर तांत्रिक समिती नेमण्यात आली होती. त्यांनी दिलेल्या अहवालाची अमलबजावणी चंद्रपूर जिल्ह्यासाठी अद्याप झालेली नाही. त्याची अमलबजावणी करावी. तसेच महाराष्ट्रासाठी बिबट ऍक्शन प्लॅन केला होता. तो देखील तसाच आहे. कण्हेर गाव येथे ५० वा अभयारण्य स्थापन केलं होतं. ते अजून वन्यजीव खात्याकडे हस्तांतरित झालेले नाही. खाण प्रकल्पासाठी टायगर कॉरिडॉर डायल्युट करण्याचा प्रयत्न केला जात आहे. प्रधान मुख्य वनसंरक्षक एम. एस. रेड्डी यांची चौकशी झाली पाहिजे. ह्या प्रकरणी मंत्री महोदयांनी लक्ष घालणे गरजेचे आहे. कुठल्याही खाण प्रकल्पाच्या मंजुरीसाठी जे प्रोसिजर आपण पाळतो, ते पाळणं आवश्यक आहे. शिकार करणाऱ्यांवर शूट ऍट साईटची कारवाई करा, अशा मागणी शिवसेना (उद्धव बाळासाहेब ठाकरे) विधिमंडळ पक्षनेते आदित्य ठाकरे यांनी केली आहे.