NIHOYAT FUQARO BERUNIY KADASTR AGENTLIGIGA MUROJAAT QILISHGA ERISHDI

Берунийда Кадастр агентлиги эшиклари ким учун ёпиқ? Ёхуд 15 кунлик «ўйин» ичидаги парадокс Давлат идорасининг эшиклари фуқаро учун доимо қулф бўлса, у дардини кимга айтсин? Қорақалпоғистон Республикаси Беруний туманида фуқаро ўз яшаш ҳудудида ям-яшил дарахтларни кесиб, ўрнига бино пойдевори (фундаменти) қурилаётганидан норози бўлиб, Кадастр агентлигига мурожаат қилолмай сарсон бўлганлиги маълум бўлди. Мухбирларимиз аралашуви билангина фуқаро идора ичкарисига киришга муваффақ бўлди. Энг қизиғи — бинонинг пойдевори аллақачон қуйиб бўлинган. Бу қурилиш қонунийми ёки ноқонуний? Шу оддий саволга жавоб бериш учун Кадастр агентлиги туман бўлими раҳбари «15 иш кунида жавоб берамиз», демоқда. Хўш, буни қандай номлаш мумкин? Тўғри, қонунда мурожаатларни кўриб чиқиш муддатлари бор, лекин наҳотки туман кадастр хизмати ўз ҳудудида қад ростлаётган қурилишнинг қонуний ёки ноқонунийлигини билмаса? Фундамент тикланиб, дарахтлар кесиб бўлингач, 15 кун кутиш — бу шунчаки вақт чўзиш эмасми? Жавоб тайёр бўлгунича бино битса, жавобгарликни ким бўйнига олади? Батафсил видеорепортажда кўринг ва баҳо беринг!    • NIHOYAT FUQARO BERUNIY KADASTR AGENTLIGIGA...