Bizning ustozlar ruknida professor Zeboxon Qobilova

Ustoz — ilmning yo‘lchi yulduzi, qalblarga nur, tafakkurlarga hayot baxsh etuvchi buyuk inson. Shogirdning yutug‘i – ustozning fidokorona mehnati va mehridan darak beradi. Alisher Navoiy hikmatlarida aytilganidek: “Har kim ilm istar, avval ustoz topgay.” Darhaqiqat, ustozning maqomi ota-onaning maqomidan keyin turadi. Chunki u insonni faqat ilm bilan emas, balki ma’naviyat, insoniylik va vatanparvarlik ruhida tarbiyalaydi. Ana shunday fidoyi ustozlardan biri — Qo’qon universitetida ilm-fan va innovatsiyalar rivojiga beqiyos hissa qo‘shib kelayotgan ilmiy ishlar va innovatsiyalar bo‘yicha prorektor, filologiya fanlari doktori, professor Zeboxon Qobilovadir. Biz sizlarga “Bizning ustozlar” ruknida professor Zeboxon Qobilova hayoti va faoliyatiga bag‘ishlangan qisqa filmni taqdim etamiz. Ustozlik — ezgulik va ma’rifatning eng ulug‘ ramzi. Professor Zeboxon Qobilova nafaqat filologiya sohasidagi ilmiy izlanishlari, balki yosh avlodni ilmga, izlanishga chorlaydigan ustozlik maktabi bilan ham e’tiborga loyiqdir.