மிஞ்சியின் முத்தங்கள் | ரெஞ்சு வினோத் | RJ கிருத்திகா ராஜ் | அத்தியாயம் 7 & 8

“சரி” என்று அவர்கள் கிளம்பிவிட கொடிமலர் குளித்து வந்ததும் அவளுக்கு முறுக்கும் நுரை தளும்பக் காப்பியும் கொடுத்து அருகிலே அமர்ந்துகொண்டார்கள் சகோதரிகள். இருவரையும் மாறி மாறிப் பார்த்துக்கொண்டே “என்னக்கா” என்றாள் அவள். “சாப்பிடு சொல்றோம்” என்றவர்கள் அவள் முடித்தபிறகு “நாளைக்கு உன்ன பொண்ணு பாக்க வராங்க பாப்பா” என்று அவள் தலையில் இடியை இறக்கினார்கள். “என்ன!” என்று அதிர்ச்சியானவள் “எனக்குக் கல்யாணம் வேண்டாம்" என்றாள் உடனே. “அச்சாணியமா பேசாத பாப்பா நல்ல விஷயம் பேசும்போது இப்படி சொல்லக் கூடாது, நல்லா விசாரிச்சு ஜாதகம் எல்லாம் பாத்து அதுக்கு அப்புறம்தான் முடிவு பண்ணியிருக்கோம், எங்க எல்லார்க்கும் பிடிச்சுருக்கு நாளைக்கு அவங்க வந்து பாத்து பிடிச்சுடுச்சுன்னா அப்புறமா உனக்கு மாப்ள போட்டோ காட்டறோம்”. “இப்போவாரைக்கும் கிட்டத்தட்ட முடிஞ்ச மாதிரிதான் இருந்தாலும்… ஒருதடவை அவங்க வந்து நேர்ல பாத்துட்டா நமக்கும் கொஞ்சம் தெம்பா இருக்கும்” என்றார்கள். அவர்கள் பேசியது எதுவும் செவியில் நிறையவில்லை, மனம் முழுதும் மீசையை முறுக்கிக்கொண்டு தன்னை பார்த்துப் புன்னகைத்து சென்ற அதிவீரனின் சிரிப்பில் சிக்கி கிடந்தது. எழுத்தாளர்: ரெஞ்சு வினோத் கதை: மிஞ்சியின் முத்தங்கள் குரல்: RJ கிருத்திகா ராஜ்