ვირგინია ვულფი, მისის დოლოვეი | ლევან ბერძენიშვილი

რადიო თავისუფლების პოდკასტი „წიგნები“ რუბრიკით „ნორვეგიული წიგნის კლუბი“ გთავაზობთ საუბარს მეოცე საუკუნის პირველი ნახევრის ინგლისური ლიტერატურაში მოდერნიზმის ერთ-ერთ უდიდეს წარმომადგენელზე, ვირჯინია ვულფსა და მის რომანზე „მისის დოლოვეი“. ვირჯინია ვულფი აგრძელებს ჯეინ ოსტინისა და დები ბრონტეების დაწყებულ ტრადიციას და ოციანი წლების ბრიტანული პროზის ნამდვილ დედოფლად გვევლინება. რომანის მოქმედება ხდება ლონდონში, 1923 წელს, ივნისში, მთელი ამბავი მხოლოდ ერთ დღეს მოიცავს. ცნობიერების ნაკადი, მკვეთრი ინდივიდუალიზმით აღბეჭდილი პერსონაჟები, ინგლისური არისტოკრატიის შუქ-ჩრდილების ღრმა ცოდნა, ჭეშმარიტად ინგლისური სარკაზმი, სიტყვათა თამაში, ფარული ავტობიოგრაფიულობა და, ამავე დროს, დაუფარავი ფემინიზმი, – ყველაფერი ეს „მისის დოლოვეის“ საუკუნის შედევრად აქცევს.