Të Pasurit | 20 ‘padronët’ e botës | Si i kanë krijuar ata ‘perandoritë’ e tyre? | Top News

Ka një arsye përse fjala Miliarda, tregon kaq shumë. Njerëzit janë të fiksuar me miliarderët dhe të joshur nga të pasurit. Një pjesë e këtij fiksimi është frymëzuese, një imazh ideal I historive më të mëdha të suksesit të ëndrrës amerikane, ndërsa një pjesë tjetër është kritike…mjafton këtu të mendosh për debatet kur Kylie Jenner (Kajli Xhener), e lindur në një familje me pasuri astronomike dhe me lidhjet e duhura, u kurorëzua për një kohë të shkurtër miliarderja më e re që pasurinë e ka ngritur vetë. Por, ka edhe një anë akoma më delikate të ultra të pasurve dhe mënyrës se si ata jetojnë: Amerika është një vend ku rreth 37 milionë njerëz jetojnë nën kufirin e varfërisë dhe rreth 38 milionë njerëz varen tek ndihma e shtetit për ushqim. Por Amerika është ajo që ka prodhuar më shumë miliarderë se cdo vend tjetër në planet. Tre miliarderë të famshëm, të dashur dhe të fiksuar me hapësirën, Jeff Bezos (Xhef Bezos), Elon Musk (Ilon Musk) dhe Richard Branson (Riçard Branson), së bashku, mund ti japin fund varfërisë në botë dhe tu mbetet akoma mjaftueshëm për jahtet e tyre. Më poshtë, do të tregojmë se kush janë njerëzit më të pasur në botë, por më e rëndësishmja, si e kanë mbledhur ata pasurinë e tyre? E fillojmë me Elon Musk, njeriun më të pasur të globit, me një pasuri prej 237 miliardë dollarësh. Djali I Erroll Musk (Eroll Mask), që dikur zotëronte një minierë emeraldesh në Zambia, Elon Musk, kohë më parë do të tregonte për pasurinë e familjes së tij që vetëm rritej: Ne kishim aq shumë para sa që ndonjëherë nuk mundeshim as të mbyllnim kasafortën”. Në 1995, Musk bashkëthemeloi Zip2 (Zip dy) që iu shit Compaq (Kompak) në 1999 për 300 milionë dollarë: Musk fitoi 22 milionë dollarë për pjesën e tij. Në 1999 ai bashkëthemeloi X.com (Iks kom) por u zëvendësua si drejtues më vonë atë vit. Në vitin 2000, X.com dhe Confinity (Konfiniti), që zotëronte PayPal (pejpal), u shkrinë. Kur eBay (ibej) e bleu PayPal në 2002, musk mori më shumë se 100 milionë dollarë për pjesën e tij. Në maj 2002, Musk investoi 100 milionë dollarë për të themeluar SpaceX. Dy vite më vonë ai investoi 6.5 milionë dollarë në Tesla Seria A, duke u bërë CEO I Teslas në 2008-ën. Emri I kompanisë u ngrit në qiell nën musk, duke arritur kulmin në korrik 2020, kur ia kaloi Toyota-s si kompania e prodhimit të makinave me vlerën më të lartë në botë. Në 2016, Musk themeloi The Boring Company (Thë boring kompani), ose Kompaninë e Mërzitshme, për të ndërtuar tunele, përfshirë një tunel nën qendrën e konventave të Las Vegasit, si edhe Neuralink, një startup neuroteknologjik që synon të implantojë inteligjencë artificiale në trurin e njeriut, një aventurë kjo për të cilën ekspertët janë jo pak skeptikë. Musk ka qenë subject I shumë padive ligjore, përfshirë një padi ende në shqyrtim për sipërmarrjen e tij SolarCity (Solarsiti), një padi tashmë të zgjidhur përmes marrëveshjes në lidhje me Teslan si edhe një padi për shpifje që ai më vonë e fitoi. Ai është akuzuar se është një bos toksik dhe arrogant dhe se ka patur lidhje me pedofilin e ndjerë Jeffrey Epstein (Xhefri Epstin), cka vetë Musk e ka mohuar. Njeriu I dytë më I pasur në botë është Jeff Bezos, me një pasuri prej 165 miliardë dollarësh. Dhe ky I fundit ka patur plot ndihmë për të arritur atje ku është sot. Pasi e la punën e tij komode në një fond kursimesh, ai siguroi një hua të ëmbël prej 250 mijë dollarësh nga prindërit e tij për të ngritur Amazon. Dhe kompania gjigande që ne njohim sot nisi si një dyqan online librash në garazhin e shtëpisë së tij, për tu zgjeruar më pas edhe me muzikë dhe video dhe për tu bërë ajo që shohim sot, që shet gjithcka që mund të imagjinosh por që fitimet më të mëdha I siguron nga dega e shërbimeve amazon ëeb. Ata janë vizionarë, jane guximtarë, kthejnë në ar çdo gjë që prekin. Shpesh ëndërrimtarë e këmbëngulës... Ndonjëherë të përkëdhelur nga fati, ndonjeherë të ngritur nga hiçi... Janë ata që kanë ngritur perandori miliarda dollarëshe, ata që kryesojnë klasifikimet e më të pasurve të globit... Janë ata qe nuk dinë tv ndalen e kërkojnë akoma më shumë… Njihuni me më TE PASURIT e planetit! Rubrika më e re në Top News Çdo të Shtunë, Ora 17:15 Autore: Ardita Beçolli. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TePasurit#TopChannel