Arzan eti 'gögerdip satmak' usuly emeli bolçulygy uzak saklaýar - Çeşmeler

Azatlyk Radiosynyň Telegram hasabyna ýazylyň https://t.me/azatlykradiosy Şu günki programmamyzda: Lebap welaýatynda ilatyň Internet üpjünçiligi ýaramazlaşyp, onuň tizligi ep-esli peseldi. Ozal elýeterli bolan VPN serwerleri hem işlemegini bes etdi. Döwlet edaralaryndaky çeşmelerimiz Eýrandaky köpçülikleýin protestleriň fonunda, häzirki çäklendirmeleriň ýurduň Milli howpsuzlyk ministrliginiň (MHM) görkezmesi bilen amal edilýändigini aýdýarlar. Häkimiýetler bu barada aç-açan resmi düşündiriş bermeýärler. ABŞ-Eýran arasyndaky dartgynlylyk ýokary derejede galýar, Tähranyň berk hökümdarlary duşmançylykly ritorikasyny täzeläp, hökümete garşy protestçilere garşy "iň agyr jezalary", şol sanda ölüm jezasyny bermek bilen haýbat atýarlar. Türkmenistanyň Söwda we daşary ykdysady aragatnaşyklar ministrliginiň işgärleri ilata subsidirlenen mal we guş etiniň goşa dyrnak içindäki bolçulygyny döretdiler diýip, Azatlygyň Ahaldaky habarçysy türkmen reallyklarynyň aýrylmaz bölegine öwrülen azyk meseleleriniň saklanyp galýandygyny habar berýär. Habarlaşmak üçin: • Whatsapp: +420 724 168 989 we +420 773 797 383 • Telegram: @Azathabar #habarlar