【中國出手管制稀土出口】控制稀土供應鏈，就等於控制咗未來所有科技？｜世界新聞研究所

你有冇諗過，你部手機、你間屋頂嗰塊太陽能板、甚至 F-35 戰機，其實都依賴同一條幾乎唔可見嘅工業鏈？ 今集《世界新聞研究所》，我哋唔講礦係喺邊挖，我哋講嗰條由礦石變成永久磁鐵，再去到終端科技產品嘅隱形通道，稀土供應鏈。 根據美國地質調查局（USGS）2025 年數據，全球 2024 年稀土礦產量約 39 萬噸，中國佔其中 27 萬噸，即係接近七成。但礦只係開始，精煉加工呢？根據 J.P. Morgan 同歐洲審計院嘅報告，中國控制全球超過九成稀土精煉能力。2025 年 4 月，中國商務部宣布對 7 種中重稀土實施出口管制。其後 10 月再度升級，連外國製造但含有中國稀土原料嘅產品，都要申請許可。呢個唔係普通貿易戰，呢個係重寫全球供應鏈規則。真正可怕嘅唔係礦藏多唔多。可怕嘅係，由礦到精煉、到合金、到永久磁鐵，整條隱形工業鏈幾乎只有一個地方做得到，而世界花咗三十年先發現，依賴去咗幾深。 章節傳送門🚪 00:00 你唔知道嘅稀土世界 01:06 稀土係咩？ 17種元素，一個大誤會！ 03:01 隱形供應鏈： 由礦到磁鐵的6個步驟 05:09 九成精煉壟斷 點樣建立？ 08:20 武器化 ：出口管制時代線2023–2025年 11:45 一個工業能力的問題 #世界新聞研究所 #worldnewslabbb #稀土 #供應鏈 #地緣政治 #關鍵礦物 #電動車 #AI #永久磁鐵 #科技供應鏈 #出口管制 #工業政策 #稀土加工 #RareEarths #CriticalMinerals #製造業