المداح احمد الويسي | يشرب طريقة بسرهم يغطونه

ليشرب طريقه بسرهم يغطونه واحمد خضر يحضر عل يصيحونه ... الف الصلاه علنور غطه الناري احمد نبينه صاحب الاسراري ياربي انته التغفر الاوزاري وتحمينه ربي بجاه ابن امونه ....... البي بسمكم يلنشامه انادي الباز الاشهب يا درع بغدادي وابن الرفاعي لو يصيحه الحادي اتبان شاراته عل ينادونه ....... التي تدارك من يدگله النوبه ويس اليماني الشارته مهيوبه ماضنتي يخيبه ويرد محسوبه هذا ابو شيبه حاضر الينخونه ........ الثي ثبتنه عل عهد ياجدي الفلسطين مايعرف الصدي هذا ابو موسى دوم واكف سدي يلفي على صيحات بس صيحونه ......... الجيم جرحي خزن ولا طابي ولساكن بهيت ارسلت لكتابي ردتك تجي يافاتح الابوابي يحمد خضر مو عاتك تجفونه ........ الحي حرم جفني المنام بليلي وشكواي ادزها لشيخنا اسماعيلي يساكن بغداد صحنا الويلي ناديتكم ماضنتي تخيبونه ....... الخي خراب ديار اليعادينه هذا اليسولف عنه ويذم بينه والساكن بحمرين مايخلينه هذا ابو حمره سيوفهُ مسنونه ........ الدال دم دموع فوك خدودي من طولت فزعاتكم يجدودي ذوله النشامه الجدها ويس العودي وجدكم محمد جوهره المكنونه ....... الذال ذليتو ليناطح بينه مايدري عندي جدود ماتنسينه جدي علي بكل شده حاضر لينه ادري بولد شرميط ماينسونه ........ الري روايه بسمكم مبنيه لساكنين ديالى يلويسيه عبد الكريم الشارتو كشفيه هاها يجد ياسين لتخلونه ...... الزي زعيم ومايهد محسوبه صحتك يبو صادق بدكت النوبه مو عدتك تجفيني يابو الحوبه شيخ العشيره الروح الك مرهونه ......... السين سادتي وازامط بيكم حشمت بيكم باول وتاليكم بفزعاتكم والله لنَسب بيكم باقين يابه علعهد ونصونه ........ الشين شاعر يكتب لأهل الله عند الشدايد راد منهم طله حشمكم المداح ابو عبدالله من النشامه دوم يطلب عونه ....... الصاد صلو علنبي المختاري احمد نبينه المثلهو ماصاري بكل ايه بالقران ياجباري نرجاك بيه همنا تزيحونه ــــــــــــــــــــــــــ تم تأليف هذا القصيده بتاريخ ٢٠٢٥/١/١ للمؤلف احمد موسى ابو عبدالله الويسي