葉蒨文帶病拍節目不忘放閃光彈 關嘉敏被黃家俊激到嬲豬

葉蒨文帶病拍節目不忘放閃光彈 關嘉敏被黃家俊激到嬲豬 阿Bob林盛斌呢日帶領《女神配對計劃》五位女神 葉蒨文(Sohpie)、梁敏巧(Maggie) 、羅毓儀(Yuki) 、關嘉敏(Carman) 、李芷晴(Stephanie) 同佢哋嘅另一半 曾展望(GM)、劉啟進(Matt)、林俊其(Kris)、 黃家俊(Matthew) 以及 林焌堯(Jacob) ，齊齊嚟到嘉年華拍節目，並挑戰唔同嘅遊戲比併，可以寓工作於拍拖，Sophie病住都話要同GM嚟玩，GM話佢咩都敢玩，Sophie即刻插嘴：「佢連我都敢挑戰，佢有咩唔夠膽挑戰，我咁恐怖﹗」GM仲作狀話自己好驚，Sophie即刻扮肉緊攬住GM話「過嚟姐姐到」。 GM同Sophie呢對人肉閃光彈，每次出嚟都誓要閃盲大家，不過另一廂嘅Yuki同Kris一樣唔弱，鍚女友鍚到燶嘅Kris，即使好驚玩機動遊戲，但為咗Yuki 都頂硬上，雖然玩水槍時射到Yuki濕晒，但Kris解釋係因為怕佢凍親，所以特登表現差啲，等佢熱血沸騰無咁凍，冧晒嘅Yuki仲即刻作狀除咗Kris件外套保暖，認真搞笑。 至於關嘉敏同Matthew呢邊就備受考驗，佢哋之所以配對唔成功，可能都係因為Matthew對女方唔夠細心，搞到Carmen嬲嬲豬呀。 而一向畀人感覺內斂又怕醜嘅Jacob同Matt，估唔到嚟到嘉年華，當堂由I人變咗E人，Bob都覺得有啲意外呀。 #阿Bob #林盛斌 #女神配對計劃 #葉蒨文 #Sohpie #梁敏巧 #Maggie #羅毓儀 #Yuki #關嘉敏 #Carman #李芷晴 #Stephanie #曾展望 #GM #劉啟進 #Matt #林俊其 #Kris #黃家俊 #Matthew #林焌堯 #Jacob #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0