31 ildir taleyi naməlum olan Natiq Qasımov

31 ildir taleyi naməlum olan Natiq Qasımov 30 ildən artıqdır doğmaları ondan xəbər gözləyir. Bu illər ərzində yaxınlarına onun yandırlıdığı, əzab işgəncə ilə öldürülüdüyü, hətta sağ olması barədə xəbərlər gəlib. Söhbət son günlər haqqında çox danışılan Natiq Qasımovdan gedir. O, 1971-ci il yanvarın 2-də Gədəbəyin Kiçik Qaramuradlı kəndində dünyaya gəlib. Bir müddət sonra ailəsi ilə birlikdə Mingəçevirə köçür. Məktəbi bitirdikdən sonra Azərbaycan DRES-də çilingər, kinoteatrda kinomexanik işləyir. Rusiyanın Krasnoyarsk vilayətində Daxili Qoşunlarda hərbi xidmət yolunu keçir. 1991-ci ildə ordudan tərxis olunduqdan sonra bir müddət valideynlərinin yanında qalan Natiq könüllü olaraq yenidən Vətənin müdafiəsinə yollanır. Xocalı faciəsində sakinlərin başına gətirilənlər onu daha da hiddətləndirir. Natiq Qasımov ailədə 2 qardaş, 2 bacı olub. Ailənin son beşiyi bircə fotosu ilə dünyada tanınıb. Şəkildə Natiqin ağır döyüşlərdən sonra əlində üçrəngli bayrağımızı 2 erməni arasında məğrurcasına addımladığı əks olunub. Ermənilər 5 gün müddətində kilsədə onlarla cəmi bir nəfərin mübarizə apardığını bilib çox pərt olurlar. Daha sonra Xocalı sakinlərinin azad edilməsi üçün Natiq təslim olur. “Dəstədə 7 nəfər olublar. Ermənilər tərəfindən edilən hücumlar nəticəsində 6 nəfər şəhid olub, bir Natiq qalıb. Kilsədə 5 gün döyüşüb. Ermənilər elə bilib ki, kilsədə böyük dəstə var. Xocalı sakinlərindən istifadə edərək Natiqin təslim olmasını istəyiblər”, – deyə Natiq Qasımovun qardaşı Nofəl Qasımov qeyd edib. Ailəsi Natiqin sağ qalması və 1 milyon manat pul müqabilində doğmalarına qovuşması haqda xəbərlər alır. 30 il öncə Gürcüstanda yaşayan bir nəfər ailəyə ümid verir. Amma bu da öz təsdiqini tapmır. Nofəl Qasımov qardaşının qatillərindən olan Vitali Balasanyanın tezliklə Natiqin yeri və ya qətlə yetirildiyi barədə məlumat verəcəyinə inandığını deyir. “Balasanyan tək mənim qardaşımın cinayətində olmayıb. O, Xocalı soyqırımında da iştirak edib”, – Nofəl Qasımov bildirib. Doğmaları onu indi yalnız yuxularda görür, xəyallarda yaşadırlar. Mingəçevirdə yerləşən Şəhidlər xiyabanında itkin düşənlərin rəmzi məzarları sırasında onun da adı var.    • Azərbaycanın əfsanəvi neft mütəxəssisi Xoş...      • Arutyunyanın vəkili danışdı: Araikin vəziy...      • Nensi Pelosiyə yeni əmr: Ofisi tərk edin!   31 ildir taleyi naməlum olan Natiq Qasımov https://t.me/bakutvxeber   / baku.tv     / bakutvofficial   https://www.baku.tv 2023 © All Rights Reserved ℗ "Baku TV" LLC ™ #Şəhid #NatiqQasımov #Mingəçevir #Xocalı #Qarabağ #Gədəbəy #naməlum #bakutv #sondeqiqe #xəbər #xəbərbugün #xəbərlər #xəbərləryeni #xəbərlərbugün #xəbərlərsondəqiqə #xəbərlərbugün2023 #xəbərlərbugünkü #sonxəbərlərbugün #yenixəbərlərbugün #sonxəbərlərbugün2023 #yenixəbərlərbugün2023 #xəbərlərsondəqiqə2023 #xəbərlərsondəqiqəbugün