“Të zhdukurit nga droga e Vlorës", - Vrasje me çekiç dhe ekzekutime në mes të detit - Inside Story

Inside Story – Një emision politiko-investigativ që transmetohet çdo të Mërkurë, në Top Channel – 28.11.2018 - Emisioni i plotë. Inside Story nëpërmjet intervistave ekskluzive dhe dokumentave zyrtare, rrëfen fatin e të zhdukurve nga droga në qytetin e Vlorës. Inside Story dokumenton numrin dhe rastet e të zhdukurve në Vlorë që nga viti 2015, pjesa më e madhe e të cilëve, janë të implikuar në trafikun e lëndëve narkotike. Nëpërmjet dëshmive ekskluzive, Inside Story dëshmon se si u kryen rrëmbimet në mes të qytetit, ngjarje këto që kanë tronditur Vlorën, por që nuk kanë pasur vëmendjen e duhur nga autoritetet ligjzbatuese për zbardhjen e rrethanave të ngjarjeve. Në dëshmitë ekskluzive rrëfehet implikimi i drejtuesve të lartë të shtetit, si dhe pagesat që janë kryer për skafistët që kanë marrë përsipër trafikimin e lëndëve narkotike në Itali. Përtej shifrave marramendëse, dhe përfitimeve që kanë patur drejtuesit e grupeve kriminale, Inside Story dokumenton se viktimat e këtij rrjeti, janë në mëshirë të fatit dhe në kushtet ekstreme të varfërisë.