Şahlar Əsgərov_KIATBIM(#8)

“KİTABIM” podkastı təqdim edir: “Heydər Əliyevin həyatının unikal səhifələri” UNEC KİM 24/7 Kitabxanasının “KİTABIM” layihə-podkastının həmsöhbəti görkəmli alim, Əməkdar elm xadimi, tanınmış ictimai-siyasi xadim, Təhsil Nazirliyi yanında İctimai Şuranın sədri, UNEC Ekonofizika Tədqiqat Mərkəzinin rəhbəri, fizika-riyaziyyat elmləri doktoru, professor Şahlar Əsgərov olub. Layihənin bu buraxılışı xalqımızın həm 15 iyun - Milli Qurtuluş Gününə, həm də həmin gündən fəaliyyətə başlayan tarixi xəttin canlı şahidi və qurucularından olan dəyərli alimimiz Şahlar Əsgərovun 85 illik yubileyinə həsr edilib. Podkastda Ulu öndər Heydər Əliyevin ən yaxın silahdaşlarından, məşhur "91-lər"in zilalılarından biri Şahlar Əsgərovun Azərbaycan parçalanma və daxili xaos həddində olan dönəmi, həmçinin, Heydər Əliyevin Bakıya qayıdışı ilə bağlı xatirələri dinlənilib, müəllifi olduğu “Heydər Əliyevin həyatının unikal səhifələri” kitabı ətrafında, söhbət aparılıb. Kitabda oxucuların və gənc nəslin hələ bilmədiyi, Qurtuluş dövrünə aid unikal pərdəarxası məqamlardan danışılıb. UNEC KİM 24/7 Kitabxanasının müdiri Arzu Məmmədova fürsətdən istifadə edərək, bütün kitabxana heyətinin adından dəyərli alimə üzərində “Ulu Öndər Heydər Əliyevin 'Filosof-Şahlar Əsgərov' adlandırdığı böyük alimimizə, ömrün 85-ci müdrik zirvəsində dərin sevgi və hörmətlə UNEC 24/7 kitabxana heyəti tərəfindən” sözləri yazılmış kristal-suvenir hədiyyə edib. Qeyd edək ki, “KİTABIM” layihəsinin rəhbəri Arzu Məmmədova, icraçı heyət üzvləri Kamal Nuriyev və Həsən Müslümovdur.