MCHENGERWA ALIA NA WATUMISHI WA SERIKALI, "WAHURUMIENI WATANZANIA, JISHUSHENI....

Waziri wa Nchi, Ofisi ya Rais Tawala za Mikoa na Serikali za Mitaa (Tamisemi), Mohamed Mchengerwa amewasihi watoa huduma za afya kuwahudumia na kujishusha wanapowahudumia Watanzania. Mchengerwa amesema hayo jana jioni Jumatano, Aprili 9, 2025 akihitimisha mkutano wa mwaka wa waganga wafawidhi wa vituo vya kutolea huduma za afya ngazi ya msingi, uliofanyika jijini Dodoma kwa muda wa siku mbili. Mkutano huo umewakutanisha wataalamu wa afya kutoka ngazi mbalimbali kwa ajili ya kujadili fursa, changamoto na masuala ya kitaaluma yenye lengo la kuboresha utoaji wa huduma katika ngazi ya msingi. Naye Waziri wa Afya, Jenista Mhagama amewaomba kusimamia viapo vyao ikiwemo viongozi kwenda kusimamia wale walio chini yao, ili kuifanya sekta ya afya kuwa bora.