"Kam shkuar shpesh te shtëpia e tyre, por...", flet e afërmja e familjes ku ndodhi krimi në Shkodër

Një ngjarje shumë e rëndë ka ndodhur në lagjen “Mark Lula”, në Unazën Lindore të qytetit të Shkodrës këtë të enjte, 9 korrik. Gazetarja e Klan News, Emi Kalaja raporton se ngjarja ka ndodhur rreth orës 13:30. Ku 62-vjeçari Sh. Ziçi qëlloi me çifte te porta e shtëpisë bashkëshorten e tij, 55-vjeçaren Bardhë Ziçi. Paraprakisht, mësohet se ai është arrestuar nga policia. Nuk dihen motivet e ngjarjes së rëndë. Një e afërmja e familjes thotë para kamerave se njiheshin si një çift shumë i mirë bashkëshortësh. Ajo thotë se ka shkuar shpesh te familja e tyre, por nuk ka dëgjuar kurrë debate apo zënka mes tyre. “Njeri shumë i mirë, edhe gruaja nuk ia di kush fjalën e keqe asaj gruaje. Ne ndjehemi shumë keq se si u shkatërrua kjo familje. Të dy kanë qenë shumë të mirë, po çfarë të bëjmë . Kam shumë respekt për atë grua, se ka qenë grua e mirë, e urtë dhe e respektueshme. Kam shkuar shpesh herë te shtëpia e tyre dhe nuk ka pasur kurrë debate”, shprehet ajo mes lotësh. Gazetarja Kalaja thotë se çifti ishin prindër të dy fëmijëve, një djali dhe një vajze. Djali prej kohësh jetonte jashtë shtetit. “Rreth orës 13:30, në lagjen “Mark Lula”, dyshohet se për motive të dobëta, shtetasi Sh. Z., 62 vjeç, ka vrarë me armë zjarri, bashkëshorten e tij, shtetasen B. Z., rreth 55 vjeçe. Shërbimet e Policisë kanë shkuar menjëherë në vendngjarje dhe kanë kapur autorin e dyshuar, shtetasin Sh. Z., i cili u shoqërua në Komisariat, për kryerjen e veprimeve procedurale. Gjithashtu, shërbimet e Policisë kanë sekuestruar armën e zjarrit me të cilën dyshohet se është kryer krimi. Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes“, njoftoi policia në një njoftim zyrtar. /tvklan.al SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan