حني حني - عريان السيد خلف

حني حني.. شويه ياعين الخشف .. خزرات المعاتب .. چوني من كثر ما لوع .. حتى اهلي اصبحت جزعانه مني رافگـتـني الونه .. والحسرات من بطن الحملني و هذا عمري .. مگالب ويَه الضيم.. ما مر الضحچ .. مرة على سني و هذا حچي الناس .. أون من لوعتي و كَالوا يغني فتَّر اعيونك .. تره اعيونك گصن بسنين عمري و ذوبني آنه احب منهن .. نبل مغتاض .. خلهن يوجعنّي ذابل .. وگاصي العطش وياي.. چا هلبت رونّي .. ؟ انسه حزنك .. لا يحن حزني .. وعلى اعناد الحزن .. يا زين .. غنّي حتى اصيحن : يا حسرتي اتباعدي.. و يا بسمتي الضاعت تدنّي آخ مني.. وآخ من روحي الگضت هذا العمر بس بالتمني وسرت بيها وصحت : يا روح هدوة ليل ، عنّي آنه .. موش اول هرش . داسن بسبّاحي .. ولونّي آنه .. مثل الناس .. لِكزنّي برمح بوگ ، وجفني ضيعن دمي .. ولا چنهن الجاتل .. وانكرنّي ... يالتلجين على شوف السود .. بس اگفن .. نسني ثگـلّن حمل البعد .. وآنه الرچيچ .. وكلفني ذوبي من نار الجفة .. و بدموعچ اليجرن تهني وعني .. خليني استچن .. يمعذّبه .. اشتردين مني .. ؟ و هذا عمري مگالب ويه الضيم .. ما مر الضحچ .. مرة على سني وهذا حچي الناس .. أون من لوعتي .. وكَالوا .. يغني