BARAZA LA MADIWANI MTWARA MANISPAA WAHOJI KUSUA SUA KWA MRADI WA TACTIC

Baraza la Madiwani la Manispaa ya Mtwara Mikindani limeonesha kutoridhishwa na kasi ya utekelezaji wa Mradi wa Uboreshaji wa Miundombinu ya Miji ya Tanzania (TACTIC), huku likitoa pendekezo la kusitisha mkataba kwa mkandarasi huyo endapo ameshindwa kufanya hivyo na kutafutwa kwa mkandarasi mwingine mwenye uwezo na atakaye tekeleza mradi huo kwa kasi. Hatua hiyo imekuja wakati wa kikao cha baraza hilo kilicholenga kuwasilisha taarifa za maendeleo ya kata na kupokea taarifa za kamati mbalimbali, maswali ya papo kwa hapo ambapo katika baraza hilo sakata la kusuasua kwa mradi huo likichukuwa nafasi ambapo madiwani mbalimbali wamehoji juu ya mradi huo akiwemo diwani wa kata ya Magomeni Lameck Mraponi pamoja na Diwani wa kata ya Tandika ndugu Haruni Haruni.