Klan News - Zogaj, fshati i rrëfimeve dhe trashëgimisë

Në zemër të natyrës dhe historisë, Zogaj priti vizitorë,  dhe dashamirës të trashëgimisë kulturore që u njohën nga afër me jetën, traditat dhe mjeshtërinë e banorëve të zonës. Programi përfshiu një seri aktivitetesh që sollën në vëmendje bukuritë natyrore, jetën e përditshme dhe pasuritë shpirtërore të komunitetit: guida lokale në rrugicat e fshatit dhe në pikat karakteristike pranë liqenit, rrëfime historike, kinema në natyrë, punëtori artizanale, degustime të gatimeve tradicionale. “Është arritur aplikimi nga Ministria e Turizmit dhe e Mjedisit me ndihmën e ‘Giz Albania’ për fshatin më të mirë turistik në botë, ku Shqipëria konkurron me gjashtë fshatra në total, ndaj 60 shteteve me 270 fshatra në total dhe Zogaj është një nga këto fshatra”, tha Gent Fetahaj. Për banorët liqeni i Shkodrës është konsideruar si pjesë e identitetit të tyre ndaj ata tentojnë ta ruajnë me fanatizëm nga peshkimi i paligjshëm dhe pa kriter. “Ne e kemi konsideruar gjithmonë sikur është liqeni jonë, gjithmonë ne e kemi pasur për gjynah që të gjuanim”, tha një banor. Drejtori i turizmit në Bashkinë Shkodër Renato Lumçi tha se ky institucion po punon për një turizëm të qëndrueshëm të kësaj zone të mrekullueshme. “Janë treguar eksperiencat e mrekullueshme që ka fshati, produktet turistike që mund të krijohen me Zogajn me kulinarin me peshkimin, me artizanatin”, tha Renato Lumçi, drejtor i turizmit. Përmes një panairi artizanati të kuruar me shumë kujdes, fshati tregoi mjeshtërinë e dorës shqiptare, ku rolin kryesor e zunë qilimat , një trashëgimi e vyer që përcillet brez pas brezi dhe që përfaqëson identitetin dhe artin vendas në formën më autentike. Të endur me ngjyra dhe motive karakteristike, qilimat e Zogajt ishin simbol i një kulture të gjallë që ruhet me krenari në çdo familje të zonës. Atmosfera u gjallërua edhe më shumë me tingujt e muzikës pranë bregut të liqenit, ku një DJ krijoi një mbrëmje relaksuese dhe të gëzueshme për të pranishmit. Ndërkohë, xhirot me varka mbi ujërat e qeta të liqenit ofruan një përjetim të rrallë të natyrës së paprekur dhe reflektuan harmoninë që ky fshat ofron mes traditës dhe qetësisë. Zogaj, fshati piktoresk buzë liqenit të Shkodrës, u kthye për dy ditë në një qendër të gjallë të kulturës, turizmit dhe trashëgimisë shqiptare përmes eventit “Tregime Fshati”, që u zhvillua më 13 dhe 14 Qershor. Ky aktivitet është pjesë e iniciativës “N’Fshat”, e ndërmarrë nga GIZ Albania dhe Ministria e Turizmit dhe Mjedisit, që prej vitit 2022 synon të krijojë modele të qëndrueshme të zhvillimit rural duke fuqizuar komunitetet lokale dhe vlerat e tyre autoktone. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan