Ang Tunay na Pag-ibig ay Nagsisimula sa Diyos | Mission Story – Spain July 18

Paano kung matagal nang inihahanda ng Diyos ang puso ninyo bago pa kayo magkakilala? Ito ang tunay at nakaka-inspire na kwento nina Albert at Ligia mula sa Spain. Lumaki si Ligia sa isang Seventh-day Adventist family sa Venezuela, ngunit iniwan niya ang simbahan upang tahakin ang mundo ng showbiz. Naging beauty queen, model, artista, at negosyante siya. Sa paningin ng marami, nasa kanya na ang lahat—ngunit may malaking kakulangan pa rin sa kanyang puso. Samantala, si Albert ay naghahanap din ng kahulugan ng buhay. Sinubukan niya ang parties, travel, at iba't ibang karanasan, ngunit wala sa mga ito ang nakapagbigay ng tunay na kapayapaan. Nang pagtagpuin sila ng Diyos, nagsimula ang lahat sa simpleng pag-uusap tungkol sa pananampalataya. Sa kanilang second date, ibinahagi ni Ligia ang Christian music na naging simula ng paghahanap ni Albert sa Diyos. Habang lumalalim ang kanilang relasyon, mas lalo rin nilang nakilala ang pag-ibig ni Cristo. Pareho silang tumanggap kay Jesus, nagpabautismo, at kalaunan ay nagpakasal. Ngayon, iniaalay nina Albert at Ligia ang kanilang buhay sa paglilingkod sa Diyos at sa pagtulong sa iba na makilala si Jesus. Naniniwala sila na ang pinakadakilang love story ay nagsisimula kapag isinuko natin ang ating buhay sa Diyos. Sa kasalukuyan, nag-aaral si Albert ng Master's Degree in Faith and Science sa Sagunto Adventist College sa Spain. Ang kanyang pag-aaral ay naging posible dahil sa suporta ng mga Seventh-day Adventists sa buong mundo. Bahagi ng nakaraang Thirteenth Sabbath Offering (Quarterly Mission Project Offering) ang tumulong sa pagpapalawak ng theology department kung saan siya nag-aaral ngayon. 🙏 Sa pamamagitan ng inyong mga offering, mas marami pang mission projects ang maisasagawa sa buong Inter-European Division, kabilang ang Spain, upang mas marami pang tao ang makakilala kay Jesus at makatagpo ng tunay na pag-asa at layunin sa buhay. Maraming salamat po sa inyong masaganang pagbibigay at patuloy na pagsuporta sa gawain ng Panginoon! 👍 Kung na-inspire ka sa kwentong ito: Like 👍 Share 📤 Subscribe 🔔 para sa mas marami pang inspiring mission stories. #MISSIONSTORIES #MISSIONSTORY #MISSIONREPORT #WORLDMISSION #WORLDMISSIONREPORT #MISSIONSPOTLIGHT