Қит етсең, орынды босат деп шығады! «Барахолкада» тағы да шу

Алматыдағы барахолка аталып кеткен базардағы киім-кешектің бағасы бір айдың ішінде 30 пайызға қымбаттаған. Мұны Ақбұлақ базарының саудагерлері айтып отыр. Оған контейнерлерін жалға өткізетін қожайындардың аренда ақысын екі есе көтеріп жіберуі себеп екен. Енді базарға келушілердің саны күрт азайып, саудасы жүрмей қалған кәсіпкерлер тығырықтан қалай шығарларын білмейді. Жаңа жылдан бері саудасы қызып үлгермеген кәсіпкерлер контейнерлердің қожайындары аренда ақысын осы айдан бастап екі есеге көтеріп жібергенімен келіспейді. Пандемия басталғалы қарызға белшеден баттық деген олар, уәжімізді ешкім тыңдамайды, қит етсе "орынды босат" деп шығатын сауда нүктелерінің иелеріне қапалы. ЗУРАГҮЛ АСАНОВА, кәсіпкер: – Аренданың ақшасын шығару мен үшін қиын, действительно. Төрт жүз мың-төрт жүз елу мың үшінші-төртінші ряд осындай. Бесінші-алтыншы ряд алты жүз мыңға шығып тұр арендалары. Жылы бутикте емес, базардың кіреберісінде отырып сөмке сататын Ұлжалғас апай, қазір келушілер тым азайып кетті, бар уайымым жалға алған орынның ақысын шығару дейді. ҰЛЖАЛҒАС ЕСТАЕВА, саудагер: – Ендігі бізге уайым біз аренданы шығара аламыз ба, шығара алмаймыз ба? Шығара алмасақ не істейміз, бәріміз босып кетеміз бе?! Уайымымыз сол. Ойбай ай сайын көтере салады ғой, 5-10 теңге қоса береді ғой. 1 метрлік 1 орынның ақысы кемі 150 мың теңге, есептей беріңіз. Базар әкімшісі сауда нүктелерін сатып алған қожайындармен ортақ мәмілеге келуге кірістік деп отыр. Өйткені, орынды жалдау ақысы түспесе, баға тағы қымбаттап кетеді деп өзіміз де қорқып отырмыз дейді. ШАУКЕТ ИЗБАКИЕВ, «АҚБҰЛАҚ» базарының менеджері: – Ортадағы бутиктер ол жерде қымбаттау. Ол жерде торговля жақсы ма, өзіміз де түсінбедік. Түсіреміз енді. – 100 мыңдап түсіріп бере аласыздар ма? – Түсіреміз, 50-100 мың түсіреміз. Киім-кешекті қолжетімді бағада сатамыз деген Ақбұлақтың саудагерлері тауар құнын бір айдың ішінде 30 пайызға қымбаттатуға тура келді деп отыр. Әйгерім Ердәулет, Влад Шишко Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #Барахолка #аренда #баға #кәсіпкерлер #Алматы