Berisha në Gjirokastër: Prezanton Genci Sinoymerin si kandidat për bashkinë-(29 Prill 2011)

Lajme Arkiva 2011 Kryeministri Sali Berisha ka vijuar trurin elektoral në qytetin e Gjirokastrës ku ka prezantuar kandidatin e koalicionit “Aleanca për Qytetarin” Genci Sinoymeri. Kryeministri Berisha është ndalur në investimet në infrastrukturë të cilat në katër vjet kanë qenë mbi 60 milionë dollarë në qytetin e Gjirokastrës. Kreu i qeverisë ka premtuar shumëfishim të investimeve në katër vitet e ardhshme. Sali Berisha: “Mazhoranca që unë kryesoj ka investuar në qytetin dhe rrethin tuaj 30 herë më shumë sesa qeveritë e mëparshme. Në 8 vite në Gjirokastër janë investuar mbi 60 milionë dollarë, do restaurojmë të gjitha banesat, monumentet kulturore të saj, do restaurojmë sokaqet dhe rrugët e saj, do restaurojmë teatrin dhe të gjitha mjediset sportive të saj. Gjirokastra me ne u shndërrua në trashëgimi të mbarë njerëzimit, jam këtu për t’u zotuar se shumë shpejt distanca me Tiranën do të jetë më pak se dy orë, dhe se drejtimet për në Tiranë do kalojnë nga Tepelena në Levan, nga Tepelena në Berat.” Kryeministri Berisha ka ironizuar edhe opozitën duke deklaruar si qëllimi kryesor i qeverisë, është përmirësimi jetesës për qytetarët. Sali Berisha: “Dua t’u them këtyre shokëve të mos mërziten se sot dhe për sa kohë Sali Berisha të jetë në politikë, nuk do flasë gjë tjetër, vetëm për rrugë dhe sokaqet tuaja dhe për çdo gjë që ka të bëjë më mirëqenien tuaj, me suksesin tuaj.” Kreu i qeverisë ka përshëndetur dhe kontributin që minoritete të ndryshme në Gjirokastër kanë dhënë për përmirësimin e jetesës në qytetin e gurtë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/