જીવ જાજે પ્રભુ ને દુવાર || નીચે લખેલું છે કિર્તન || સ્વરઃ રસીલા માતા || ગણેશા કિર્તન

.. જીવ જાજે હરિને દરબાર, જીવ જાજે પ્રભુ ને દરબાર, વળતો જાજે રે મોક્ષધામ આતમરામ..... પ્રભુ મારા સુતા છો કે જાગો, રાઘવ મારા સુતા છો કે જાગો, અભાગી જીવડો રે શરણે આવ્યો મોક્ષધામ..... પ્રભુ જીવને પૂછે છે સવાલ, જીવડાં તો દેને જવાબ, શા શા કર્મો કરી જીવડો આવ્યો મોક્ષધામ... તરસ્યા ને પાયા છે જળ, વટે માર્ગુ ને આપ્યા વિશ્રામ. પરબો બંધાવી જીવડો આવ્યો મોક્ષધામ.... ભુખ્યાને મેં આપ્યા ભોજન, દુખિયાના ઠાર્યા છે મન, સદાવ્રત બંધાવી જીવડો આવ્યો મોક્ષધામ... ઉઘાડા ના ઢાંક્યા છે અંગ, સેવા મેં તો કરી સંત શરણ, અડસઠ તીરથ કરી આવ્યો મોક્ષધામ.... કીધા મેં તો ગીતાજી ના પાઠ , સાંભળ્યા મેં તો રામાયણ ના પાઠ , ભાગવત સાંભળીને જીવડો આવ્યો મોક્ષધામ.... માધવ કહે ચોપડે નથી નામ, નથી કર્યા તે માં બાપના કામ, માં બાપ ના ઋણ ચૂકવી પછી આવો મોક્ષધામ .