ANDIJON HOKIMI BELORUSIYA PREZIDENTI BILAN UCHRASHDI

Belorusiya Davlat rahbarining Orsha tumaniga amalga oshirgan xizmat safari davomida Andijon viloyati hokimi Shuxratbek Abdurahmonov ham ishtirok etdi. Hamkorlik rejalari ikki davlat prezidentlari o‘rtasida erishilgan kelishuvlar asosida amalga oshirilmoqda. Gap turli sohalarga investitsiyalar jalb etish hamda O‘zbekiston fuqarolarini Belarusda ishlashga taklif qilish haqida bormoqda. «Men Prezidentga buni albatta amalga oshirishimizni va’da qilganman. Bu biz uchun ham foydali. Shu tariqa Vitebsk viloyati rivojlanadi, — dedi Aleksandr Lukashenko. — Biz aka-ukalardek birga ishlaymiz! Bunga shubha qilmang». «Qishloqlarimizda yashash uchun munosib uy-joylar bor. Ularni birgalikda tartibga keltiramiz. Yangi quriladigan uylarni ham odamlar uchun quramiz. O‘zbekmi, belarusmi — hech qanday farq bo‘lmaydi», — deya ta’kidladi Belarus rahbari. Kelgusida O‘zbekiston fuqarolarini Belarusda nafaqat qishloq xo‘jaligi, balki qurilish, sanoat va xizmat ko‘rsatish sohalarida ham ish bilan ta’minlash rejalashtirilgan. YouTube@Ulugbekman