World's first documentary on Raigad | दुर्गराज रायगडावर जगातील पहिली चित्रफीत | बाबासाहेब पुरंदरे

World's first documentary on Raigad | दुर्गराज रायगडावर जगातील पहिली चित्रफीत | बाबासाहेब पुरंदरे मित्रहो, छत्रपति शिवाजी महाराज म्हणजे अवघ्या महाराष्ट्राचे आराध्य दैवत. भारतरत्न लता दीदी मंगेशकर आणि मंगेशकर कुटुंब याला अपवाद नाही. लता दीदी आणि पंडित हृदयनाथ मंगेशकरांनी मिळून शिवशाहीर बाबासाहेब पुरंदरे यांच्या समवेत शिवकल्याण राजा या ध्वनी मुद्रिकेच्या मध्यातून शिवरायांच्या चरणी आपली सेवा अर्पण केली हे आपण सर्वजण जाणतो. मी २०१७ साली माझे आजोबा दिग्दर्शक माधव शिंदे यांच्या जन्मशताब्दी निमित्त बाबासाहेब पुरंदरे यांची मुलाखत घेतली. त्यावेळी त्यांनी सांगितलेला किस्सा असा की, माधवराव, बाबासाहेब आणि लता दीदी यांची अतिशय घट्ट मैत्री होती. हे लोक तासनतास गप्पा मारत असत. छत्रपति शिवाजी महाराज आणि रायगड हा यांचा जिव्हाळ्याचा विषय. अनेक वेळा हे लोक रायगडावर गेले होते. एक दिवस असंच बोलता बोलता दीदींनी रायगडावर जाऊन संपूर्ण रायगड कॅमेऱ्यात चित्रित करायची आणि त्यावर एक छोटी डॉक्युमेंटरी करायची इच्छा व्यक्त केली. मग काय ताबडतोब हे चित्र निर्माण करायची पूर्ण आर्थिक जबाबदारी लता दीदी नी उषा ताई यांच्या महालक्ष्मी चित्र या संस्थेवर टाकली आणि दिग्दर्शनाची जबाबदारी अर्थातच माधव शिंदे यांच्या कडे आली. लगेचच या लोकांनी बाबासाहेब पुरंदरे आणि इतिहासकार गो.नी.दांडेकर यांच्या मार्गदर्शनाखाली रायगड पिंजून काढला आणि सर्व काही कॅमेऱ्यात चित्रित केलं. साधारण २५ मिनिटांच्या या डॉक्युमेंटरी ला आवाज दिला तो बाबासाहेबांनी आणि त्या मध्ये पडद्यावर दिसणाऱ्या काही प्रसंगाचं रेखाटन खुद्द उषा ताई मंगेशकरांनी केले आहे. तर अशा या दिग्गज लोकांनी एकत्र येऊन १९६७ साली किल्ले रायगड नावाची रायगडावरील पहिली Visual Documentary बनवली आणि त्याला सेन्सर सर्टिफिकेट देखील घेतलं. बाबासाहेबांनी २०१७ मध्ये मुलाखती च्या वेळेस ही आठवण सांगताना किल्ले रायगड ची मूळ प्रिंट सापडत नसल्याचे सांगितले. पण त्यानंतर काही महिन्यात त्यांना ही मूळ प्रिंट त्यांच्या च घरी सापडली. त्यांनी लगेच ती नॅशनल फिल्म आर्काइव्हज,पुणे यांच्या स्वाधीन करून डागडुजी करण्याची विनंती केली. या विनंतीला मान देऊन त्यावेळचे आर्काइव्हज चे संचालक श्री प्रकाश मगदूम साहेब यांनी स्वतः लक्ष घालून परदेशी तंत्रज्ञ यांच्या मदतीने अगदीच खराब झालेली प्रिंट विना मोबदला दुरुस्त करून दिली. साधारण १० मिनिटांची फिल्म पुन्हा दुरुस्त होऊन पाहण्यास योग्य झाली. या विषयी मगदूम साहेबांनी किल्ले रायगड :५० वर्षानंतरचा पुनर्जन्म हा लेख लिहिला आहे तो सोबत जोडला आहे.या मध्ये फिल्म कशी दुरुस्त केली या बाबत सखोल माहिती दिली आहे. मग नोव्हेंबर २०१७ मध्ये या फिल्म ला ५० वर्ष पूर्ण झाल्याच्या निमित्त आर्काइव्ह च्या auditorium मध्ये एका भव्य कार्यक्रमात ही फिल्म लोकांना दाखवली गेली. आणि चोखंदळ पुणेकर रसिकांनी ती पाहण्यास अलोट गर्दी केली. मित्रहो, या फिल्म मध्ये आपल्याला १९६७ साली रायगड कसा होता हे पाहायला मिळेल. तरी सर्व शिवभक्तांसाठी कष्ट घेऊन पदरमोड करून ही फिल्म केल्या बद्दल लता दीदी , उषा ताई, माधवराव शिंदे, आणि बाबासाहेब पुरंदरे यांचे आपण आभार मानावे तितके कमीच 🙏🏻🙏🏻🙏🏻 सोबत किल्ले रायगड ही डॉक्युमेंटरी फिल्म पाठवत आहे. सर्व शिव भक्तांनी या दुर्मिळ चित्रफितीचा जरूर लाभ घ्यावा ही विनंती... रोहित देसाई कोल्हापूर ९८२२००९१५१ 🚩🚩🚩🚩🚩🚩🚩🚩🚩