Pa Gjurme-Zhd*kja e adoleshentes, flet nëna: Ma morën tek dera e shtëpisë, pashë dy burra në taksi

Vajza e madhe e familjes Myftari u rrëmbye para portës së shtëpisë në Pire të Greqisë nga një makinë e panjohur. Familja Myftari emigroi në Greqi në shtator të vitit 1995 për një jetë më të mirë ekonomike. Vetëm kryefamiljari, Jonuz Myftari punonte ndërsa nëna Afërdita kujdesej për 3 fëmijët, dy vajzat dhe një djalë. Ky i fundit vuante nga epilepsia. Babai ishte strikt me vajzat dhe nuk i lejonte të dilnin nga shtëpia. Atë pasdite Brunilda shkon të blejë diçka në dyqanin afër banesës ku jetonin. Sapo hap portën, një makinë e panjohur ndalon dhe e rrëmben vajzën para shtëpisë. Prindërit e alarmuar që panë ngjarjen, shkuan menjëherë në rajonin e policisë helene dhe denoncuan rrëmbimin e Brunildës. Kërkimet për 17-vjeçaren vazhduan, por nuk u gjet asnjë gjurmë prej saj. Në vitin 2001 familja Myftari u kthye në atdhe me një peng të madh për vajzën e tyre të madhe Brunilda. Kjo e fundit ishte një vajzë e qeshur, e dashur dhe pse me familjen nuk fliste shumë për problemet që e shqetësonin. Kur kanë kaluar 29 vite nga zhdukja e saj, nëna nuk ka asnjë informacion për fatin e vajzës.