හීන් නිදිකුම්බා ශාකය ගැන විස්තර සහ ඖෂධීය ගුණ | Benefits of Biophytum reinwardtii | හීන් නිදිකුම්බා

අතීතයේදී දඩින්නරු යන නමින් හඳුන්වා තිබෙන සංස්කෘත බසින් ලජ්ජාලු නමින්ද හදුන්වා අැත. හීං නිදිකුම්බා ,Biophytum reinwardtii ,Heen Nidhikumba, ගස් නිදිකුම්බා, Gas nidikumba - ගස් නිදිකුම්බා, Bin Nelli, / Viparitatajjalu / Lajjaluka (Sanskrit) Oxalidaceae උද්භිද කුලයට අයත්ය. හීං නිදිකුම්මා සෙ.මි. 15 ට වඩා උසට නොවැඩෙන, කෙටි සෘජු රත්පැහැ කඳක් සහිත වාර්ෂික පැළෑටියකි.කහ පැහැ අලංකාර මලක් හට ගනී..ගස් නිදිකුම්බා , බිං නිදිකුම්බා යනුවෙන්ද සාමාන්‍ය ව්‍යවහාරයේ භාවිතා වේ සැබෑ හීන් නිදිකුම්බා ශාකයක මෙය වන නමුත් විවිධ ප්‍රදේශ වල මෙය බිංකොහොඹ, බිංපොල්, පිටවක්කා, ගස් නිදිකුම්බා ආදී ලෙස විවිධ නම් වලින් වැරදියට හඳුවනු ලබයි. පීනසට මෙම ශාකය කැපූ විට ගලන ස්‍රාවය නස්‍ය කරයි. මුත්‍රා පද්ධතිය ආශ්‍රිත රෝග, උදරාබාධ, අතීසාර, දියවැඩියාව, ඇඳුම,පීනස, අර්ශස්, ග්‍රහණි, සැරව ගෙඩි, තුවාල, නාග විෂ, සමේ රෝග, මුත්‍ර ගල්, නින්ද නොයාම, ගොනෝරියාව සුවයට හීන් නිදිකුම්බා ඔසුනක් ලෙස යොදාගනී හීංනිදිකුම්බා ශාකය සහමුලින් ගෙන තැම්බූ වතුරින් සේදීමෙන් කුෂ්ඨ, කරප්පන් ආදී සමේ රෝග සුව වෙයි. සම්පූර්ණ ශාකය වියළා කෂාය කර බීම අධික රුධිර පීඩනයට ප්‍රතිකාරයකි. ලේ අතීසාරයට ළදරු අතීසාරයට සහ මුත්‍ර පිටකිරීම පහසුකිරීමට ද හීං නිදිකුම්බා යොදා ගනී. හීං නිදිකුම්බා දළු රසවත් ගුණවත් ව්‍යංජනයක් ලෙස පිසගත හැකිය. තනිකරම මේ කොල පමනක් මැල්ලුමක් ලෙසත් කලවම් පලාවටත් කැද සෑදීමත් කල හැක. නිදිකුම්බා සහ යෝධ නිදිකුම්බා යන නම්වලින් තවත් නිදිකුම්බා වර්ග තියෙනවා