Tv Klan - Transformimi rrënjësor i lagjes në Vlorë |Lajme-News

Në këtë gjendje ishte dikur një prej lagjeve më të vjetra të Vlorës. Rrugë të pashtruara, pluhur e baltë dhe të përmbytura në çdo cep të saj çdo dimër. Por sot lagja e Kumes, prej 24 hektarësh, është transformuar. Ajo është shndërruar në një hapësirë të pastër që i ka të gjitha fasilitetet për banorët, por është kthyer edhe në një lagje të shfrytëzueshme dhe të pëlqyeshme nga turistët. Kryeministri Rama e kishte premtuar këtë zhvillim 2 vite më parë kur punimet ishin në fazën fillestare. “Po të kthehemi mbrapa në kohë ka qenë një zonë thuajse informale, kemi vendosur shtyllat, por edhe ndriçimin.” Tani është krejt e zakonshme që në rrugët e kesaj lagje periferike, që dikur e kishin të vështirë të hynin edhe autoveturat për shkak të gropave, të ndeshesh turistë në çdo orar të ditës, ashtu siç na ndodhi ne gjatë intervistës me kryetarin e Bashkisë. -Sa kohë ka që je këtu? “Kam një javë që jam këtu.” -Vjen shpesh? “Prej 14 vitesh, jam i martuar me një vajzë nga Vlora.” -Si të duket kjo zona këtu? “Unë e njoh këtë zonë dhe është përmirësuar shumë, edhe me mikpritjen e turistëve.”  Investimet e fundit i kanë dhënë një frymarrje lagjes historike të Kumes, ku janë shtruar 13 km rrugë dhe 26.000 m2 trotuare, duke e bërë ketë zonë të frekuentuar nga turistët. Investimet e fundit nga qeveria që kanë kushtuar 5 mln Euro, i kanë dhënë një tjetër vlerë zonës dhe pronës si dhe biznesit lokal. “Ka qenë një sukses i vërtetë, për të bërë biznes, për të bërë ekonomi, për të bërë turizëm. Nuk ndodh më tani të shesim pronë, kanë shkuar drejt Bashkisë për të marrë leje për të rikonstruktuar të gjitha këto objekte që kanë këtu.” Këta dy banorë të Kumes e kanë të prenotuar shtëpine e tyre përgjatë gjithë sezonit nga turistë të huaj. “Me rrugët që u bënë, kam marrë pronat që i kam pasur të bllokuara që nga Qershori.” Kume shtrihet përkrah plazhit të vjetër të Vlorës. Lagjja nuk është më kurrë bosh, thuajse pa jetë si më parë. Turistët e huaj e kanë zbuluar nga rrjetet sociale ose nga xhirot që kanë bërë përgjatë bregdetit. “Jam nga Australia, kam një javë që jam këtu. Më pëlqen shumë!” “Kam gati dy javë që jam këtu pasi shëtita në Ballkan, shumë miq të mi kishin qenë këtu dhe vendosa të vij edhe unë. Është shumë bukur këtu dhe moti i mrekullueshëm.” “Jam nga Italia, qyteti është vërtet fantastik.” Vlora vazhdon të mbetet kryeqendër e turizmit në Shqipëri. Kryetari i Bashkise thotë se investimet do të shtrihen edhe në zona të tjera, për të rivitalizuar të gjithë pjesën periferike. “Zona e fidanishtes, ky është objektivi ynë dhe jam i sigurt që do të ndodhë shumë shpejt.” Në qytetin bregdetar po marrin jetë të tjera investime madhore, si Lungomare 2, Lungomare 3, Vlora Marina apo aeroporti, që pritet ta çojne zhvillimin e turizmit shqiptar në një tjetër nivel, për të konkurruar me qytetet më të njohura të rajonit dhe për të ofruar ndoshta edhe shumë më tepër sesa ata. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/