ლევან ბერძენიშვილი - ჰერმან ჰესე ''თამაში რიოში მარგალიტებით'' (30.05.2025)

პარასკევს, 30 მაისს, 19:00 საათზე, ''წიგნის სახლში ბახტრიონზე'' გაიმართა ლევან ბერძენიშვილის ლექცია თემაზე: ''ჰერმან ჰესე - თამაში რიოში მარგალიტებით''. ჰერმან ჰესე გერმანელ-შვეიცარიელი მწერალია, რომლის შთამბეჭდავმა შემოქმედებამ მსოფლიო ლიტერატურას სამუდამოდ კვალი დაამჩნია. 1946 წელს მწერალს ნობელის პრემია მიენიჭა. ჰერმან ჰესე მე-20 საუკუნის დასაწყისის გერმანიაში არსებულ პოლიტიკურ, ინტელექტუალურ თუ მორალურ კრიზისს იმ ზოგადსაკაცობრიო იდეის რაკურსიდან ხედავს, რაც მის უკანასკნელ რომანში – „თამაში რიოში მარგალიტებით“ – „დიდი მეტაფორის“ სახით გაცხადდება.