مسلط الي ينومس خيرة عيال عمه | شيلة حفل الشيخ مسلط سلطان بن ناجع

شيلة حفل الشيخ : مسلط سلطان بن ناجع بمناسبة زواج ابنه تركي مسلط سلطان بن ناجع كلمات عدد من الشعراء ( مصلح الزراقي - عبدالله الواصل - وليد بن فندي ) استناضت بروق الصيف من كل يمه والحيا طاح وفجوج (البسيطه) وسمها انتثر من اثعول المزنه ''المدلهمه مدتن من ولي العرش عمّمّ كرمها كنه ليا انهمل يضفي على القاع كمه لين {عطّر}جراهيد الفيافي نسمها الحيا ينعش الي زود الوقت همه يِفرح الي تفوح كبودها من ''وهمها وليد بن فندي والله اني ماغيب عن الامور المهمه اتسلم قوسها وتشوف مضرب سهمها الكفو نمدحه ونومسه ،، مانذمه والرياجيل يفرق وجدها من عدمها مرحبا بسم شيخٍ معتلي راس قمه التراحيب تنصى ضيوفه اللي عزمها مسلط اللي ينومس خيرة عيال عمه كل ماعمست الارياء بعرفه حسمها واردٍ في (عدود المرجله ) كل جمه كل ماشاف له (فرصه جميل اغتنمها ) مرتكي في محل ،، اللي كبيرٍ معمه صاين السمعه ،، اللي كلنا نحترمها عبدالله الواصل صيت سلطان بن ناجع عطى المجد زمه ( عان صيته ينومس عزوته ويخدمها ) ( معقل الرأي ابن ناجع ) وعلمه يتمه حجته تلفج اصحاب الحجج ويخصمها شيخن اجزل بيوت الشعر تنساق يمه من يمجد فعوله ذمته ماظلمها انسف البشت يا تركي ولازمك سمه وابشر بعزوتن ياسعد منهو زهمها ( من حزامه ذوي زراق يجلون غمه ) ايتقدم على الأخصام ثم يخزمها جارهم والله ان درب الخطر مايهمه في ذراهم يعز بيوته اللي هدمها والعتيبي علوم الطيب تجري بدمه قسمه النعم يوم أقسام ربي قسمها من يناحي عتيبه والبحور المطمه مثل من ناطح كبار الجبال وصدمها ( يوم للخيل عج ) ( وللبواريد زمه ) لو تطيح الرواسي ماينكس علمها والعزاوي لها في صامل الراس همه ( واحد مايجمل لابته ماخدمها ) مصلح بن صالح تصميم ومونتاج : صفحة قبيلة عتيبه