Avioni i forcave ushtarake amerikane përplaset në Malësinë e Gramshit - (1 Prill 2005)

Lajme Arkiva 2005 Gazetarja: Sipas dëshmisë së banorëve të fshatit Rovie ka qenë ora 20:00 kur është dëgjuar shpërthimi i avionit ushtarak që është nisur nga aeroporti i Rinasit. Sipas tyre flakët kanë zgjatur për dy orë. Operacionet tani janë duke u zhvilluar vetëm nëpërmjet ajrit pasi trashësia e borës e cila e kalon 1 metër e gjysmë e bën të pamundur që ky operacion të zhvillohet edhe nga forcat tokësore. Avioni ushtarak amerikan C 130 H me 9 ushtarë amerikan në bord është nisur pasditen e së enjtes nga aeroporti i Rinasit për një stërvitje ushtarake, por një defekt i cili ende nuk është bërë i ditur ka sjellë ehe tragjedinë. Banorët tregojnë se avioni ka fluturuar mjaft ulët mbi fshatin Rovie në Malësinë e Gramshit dhe vetëm pak sekonda më vonë ai është përplasur pas malit Guri i Gjurit pikërisht në Qafën e Ujnit dhe një nga shkaqet mendohet të ketë qenë edhe moti i keq edhe mjegulla e dendur. “U nisëm në orën 8 që këtu dhe vajtëm në orën 9:15 atje, kur vajtëm ne ishte zjarr i madh. Ishte flakë nuk kishe se çfarë të shikojë. Erë e madhe dhe binte borë.” “Shpërthimi ndodhi nga ora 8 ose 8 e një çerek kaloi këtu mbi shtëpitë tona diçka 50 km larg dhe dëgjuam zhurmën se u përplas diçka atje lart. Më pas nja 7 çuna nga fshati vajtën edhe e verifikuan që ishte avioni, por nuk afroheshin dot sepse ishte tym i madh.” Gazetarja: “Shpërthimi ishte i fuqishëm?” “Po,po tronditi shtëpitë tona dhe pas ca sekondash plasi zjarri në mal.’ Gazetarja: “Sa shpërthime ka pasur?” “Një i fortë.” Gazetarja: “Po flaka ka zgjatur shumë?” “Po deri në 12 të natës.” Forcat ushtarake të Ministrisë së Mbrojtjes, forca policore nga Gramshi, Vlora dhe Elbasani kanë nisur menjëherë operacionet e shpëtimit duke u nisur për në vend ngjarje, por bora e dendur cila i kalon 1 metër e 30 cm e ka bërë të pamundur afrimin e tyre në vendin ku është rrëzuar avioni. Vetëm në mëngjes ata kanë mundur të afrohen dhe të survejojnë të gjithë zonën. Për disa herë me radhë helikopter ushtarak amerikan, por edhe helikopter të Ministrisë së Mbrojtjes janë përpjekur që të ulen në vend ngjarje, por përpjekjet e tyre kanë dështuar. Vetëm në mesditë dy prej tyre kanë mundur të ulen dhe të zbarkojnë ekspertët amerikan të cilët kanë nisur hetimet e para dhe janë përpjekur të bëjnë identifikimin e 9 trupave të cilët sipas dëshmive kanë qenë teje të dëmtuar. Çdo informacion për shkaqet e rrëzimit pas hetimeve të para mbahet sekret ndërkohë që mendohet se gjetja e kutisë së zezë të avionit do të zgjidhë edhe enigmën e këtij aksidenti tragjik./tvklan.al Gazetare: Elja Zotka SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/