АЙДОС БИЙ КАБИРИ

Ханлардың ҳийле-шырмаўығының себебинен қарақалпақ батырлары Бегис пенен Мыржық әрманда көз жумды. Өкиниш өзегин өртеген Айдос бий де көп узамай гелле қылынды…. Ерназар алакөзде де шейит өлди….. Халықты изине ертеди-аў деген бийлери ҳәр жаққа тартқанлықтан, батырлары ҳәр жаққа сүйрегенликтен, байлары өз билдигин ислегенликтен, оларды сөзине турғызатуғын, төрелик, кәтқудалық ететуғын кимсе шықпағанлықтан болды буның бәри…… Барлығын кеўил тәрезисине салып, көкиреги танып, күйинип жүрген Бердақ былай деп ыңыранған екен: Болар елдиң баллары, Бирин бири «батыр!»дер, Болмас елдиң баллары Бирин бири «қатын!»дер. Жаў қуйылса елине Туўысқанын «жатым!»дер, Нәмәртте намыс болмайды- Үш күн ашқа шыдамас. Қан майданда киснеген, Ғарш-ғурш суўлық тислеген, Батырдың минген атын жер. Бердақ шайырдың толғаўы.