2,5 пайызбен несиелендіреді! Ауыл халқының жаппай бизнес ашуына жағдай жасалмақ

Келесі жылдан бастап ауыл халқының табысын арттыруға бағытталған бағдарлама іске қосылады. Яғни жаңа жоба аясында шағын қалалар мен ауыл тұрғындарына жылына 2,5 пайыздық мөлшерлемемен несие беріледі. Кредит көлемі 5 миллион теңгеден 25 миллион теңгеге дейін барады. Бұл тақырыпты әріптесім Нұрболат Жаңабекұлы толықтыруға дайын. Нұрболат, жеңілдетілген несиеге нақты кімдер қол жеткізе алады? Қомақты қарыз тек кәсіп ашуға ниетті тұрғындарға ғана беріле ме? НҰРБОЛАТ ЖАҢАБЕКҰЛЫ, тілші: – Жоба ауыл халқының табысын арттыруға бағытталып отырғандықтан несие ірі кооперациялар үшін де, кәсіп ашуға ниетті тұрғындар үшін де қолжетімді болады. Демек, қожалық иелері бұрыннан бар бизнесін кеңейтуге, ал елдімекен халқы кәсіп бастауға мүмкіндік алады. Әрі бұл жобаға ауылдан бөлек шағын қала тұрғындары да қатысады. Жалпы әу баста бұл бағдарлама пилоттық жоба ретінде Жамбыл облысында қолға алынған. Енді, міне бүкіл ел аумағын қамтығалы отыр. Соған қарағанда, нәтижесі оң болған секілді. Мәселен, Байзақ ауданының тұрғыны Әбужақып Қалдаров пилоттық жобаға алғашқылардың бірі болып қатысқан. Сөйтіп, 2,5 миллион теңгеге несие рәсімдеп, 5 құлынды бие алыпты. Қазір мал басы 16-ға жеткен. ӘБУЖАҚЫП ҚАЛДАРОВ, кәсіпкер – Бір жыл каникул берді. Ол каникулы дұрыс болды негізінде. Сол как раз бірінші жылы мынау жабағылар өскенше сол как раз өте бір ыңғайлы болды. Кейіннен кейін алты айда бір рет жауып тұрасың. Алты бір анау жабағылармен жауып тұрдым. НҰРБОЛАТ ЖАҢАБЕКҰЛЫ, тілші: – Несие 5 не 7 жылға беріледі. Ал жылдық сыйақы мөлшерлемесі 2,5 пайыз. Бірақ жеңілдетілген кредитті алғысы келген кісі міндетті түрде кепілге зат қоюға тиіс. Ол өзі тұратын үйі, көлігі, техникасы тіпті қорасы да болуы мүмкін. Қарызға алуға болатын сома тұрғындар үшін 7,9 миллион, ірі кооперациялар үшін 25,4 миллион теңгеге дейін жетеді. ДАМИР ЕГІЗБАЕВ, ҚР ауыл шаруашылығы министрлігінің ресми өкілі: – Жобаны іске асыру үшін бюджеттен кем дегенде 11 мыңнан астам жаңағы кәсіпкерлерді ауыл шаруашылығы саласындағы кәсіпкерлерді қолдау үшін немесе несие беру үшін бюджеттен шамамен 52 млрд теңге астам қаражат бөлініп отыр. Нұрболат, соңғы жылдары еліміздің түкпір-түкпіріндегі шаруалар жайылым жер жетпей жатыр деп талай мәрте мәселені көтерген еді. Ал енді, міне кешенді қолдау үшін қыруар қаржы бөлінгелі отыр. Бұл ауыл халқының көбінесе мал шаруашылығымен айналысатынын ескерсек, келесі жылы тағы да қиындықтар туындап жүрмей ме екен? НҰРБОЛАТ ЖАҢАБЕКҰЛЫ, тілші – Асыл, министрлік өкілдері биыл мемлекет меншігіне қайтарылған 5,5 миллион гектар алқаптың 90 пайызы жайылым жер деп отыр. Осы телімдер ауыл халқына үлестірілмек. Соған қарағанда, қиындық та бола қоймайтын секілді. Айта кетейік, әзірге несие нақты қай мекеме арқылы берілетіні белгісіз. Қазір әкімдіктер осы мәселемен айналысып жатыр. Десе де, ведомство өкілдері бірінші тоқсанның соңына қарай деп сендіріп отыр. Әрі әдістемеге сай, елден түскен өтініш те тез қарастырылуға міндетті екен. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал