Hemû - Albûma Wek Kurdistan Bû | ©️2026

Music: Mehmud Berazi Solo Duzele: Hamed pira Digital Media Manager: Dalil Khaled ALL RIGHT RESERVED ( Mehmûd Berazî ) ©️2026 #Mehmud_Berazi #Mehmûd_Berazî #music --------------------------------------------------------------------------------------------- Projeyê ji 13 parçeyên mûzîkê pêk tê, dê bi dû hev de û bi demine cuda bêne weşandin. Armanca projeyê ew e ku şiyanên derbirînane yên amûrên pifkirinê yên kurdî, ji derveyî rola wan a klasîk, nas bike, û hewl bide wan ji çarçoveya wan a naskirî ya di bihîstin û bikaranînê de derxîne. Di her parçeyekê de, ez danûstandinê bi amûrê dikim ne tenê weke amûreke melodîk, lê weke dengekî ku xwedî kesayetîyeke serbixwe ye; bi reng, henase, û sînorên wê yên teknîkî û derbirînî. Di vê çarçoveyê de, bêhtir bal tê kişandin ser hûrgulîyan; weke henase, derketina deng û guhertinên biçûk, da ku amûr weke jîndarekî were bihîstin, ne tenê weke amûrekê. Ev proje hewldanek e ji bo têgihiştina karakterê van amûran: Ew çawa dikarin biaxivin, biqîrin, di navbera deng û bêdengîyê de bilivin, pêşengtîyê bikin, an jî di nav tevna mûzîkê de bihelin. Her parçeyek ne tenê berhemeke mûzîkê ye, lê serborîyek e ku pirsan derdixe pêş: Sînorên vî dengî li kû bi dawî dibin? Û em çawa dikarin wî bi şêweyekî cuda pêşkêş bikin? Li şûna ku xwe bispêrên şêweyê folklorî yê rasterast, van amûran dixin nava çarçoveyine mûzîkê yên cihêreng, li gel parastina nasnameya wan a resen. Armanc ew e ku rola wan di nav mûzîka hevdem de berfireh bibe, bêyî ku ji kokên wan bêne qutkirin. Her parçeyek lêkolînek bi ser xwe ye, lê di heman demê de jî ew beşek ji pêvajoyeke hevgirtî ye ku bi demê re gav bi gav pêş dikeve. Ev pêvajo ne tenê bi guherîna deng ve girêdayî ye, lê bi guherîna şêwazê guhdarkirinê bi xwe, û jinûvenirxndina têkilîya di navbera amûr û guhdar de ve jî gêrdayî ye.