鄭君綿諧趣曲五首 : 係唔係嘅啫, 老爺車, 一身蟻, 飛哥跌落坑渠, 扮靚仔

鄭君綿諧趣曲五首 選歌請點擊下面的時間數字 係唔係嘅啫00:06 老爺車03:01 一身蟻04:06 飛哥跌落坑渠06:02 扮靚仔08:07 係唔係嘅啫 鄭君綿,鄭幗寶 作曲:呂文成(小曲:王老五) 男：阿寶阿寶 你真係靚嘅啫 女：吓 係唔係嘅啫 男：你條腰真妙嘅，齊共起舞款擺若條蛇 女：你大話呃我想乜啫，賣下相思 嚟靠借咧，I don't know你做乜嘢噃 男：你艷麗似天仙應份做世姐 女：吓 係唔係嘅啫 男：實堪許配呢個白面少爺 女：吓 係唔係嘅啫 男：今晚約定無謂辭謝，一心請你去宵夜 女：咁去邊啫 男：都話去宵夜 女：哦 乜你有車咩 男：我買架新賓士 係正斗車 共試新嘢咧 女：真開心 你係得嘅 男：呢嚟到呢間太白樓 蘭麝咁香真少有 裝飾真靚溜 你睇嘉賓最上流 女：華貴大方最上流，同聚喜得知心友 今宵真有幸 花開結並頭 男：結婚最緊要講究 豪華場面少有 女：我聽見心裡好笑 佢為人絕冇知醜 男：嚟啦大家飲杯酒 呢嗱牛脷炸雞真講究 女：唔 我要燒鵲脷 飲香檳正合我喉 男：你與我訂婚呢千樣有 人地想嫁我都擰頭 女：哼 你實在點會咁不知醜 賣錯相思 向人地猛挑誘 我不應該向你賣生藕 男：我送你別墅一間 等第日接收 女：吓 係唔係嘅啫 男：仲去日本歐美蜜月旅遊 女：吓 係唔係嘅啫 男：我包你快樂如做皇后 心心相印過春秋 女：你靠把口 不靠雙手 你有乜收啫 男：你不必憂 我有租收 外匯都有呀 女：我一於走 你冇藥可救 男：吓 係唔係嘅啫 老爺車 鄭君綿,許艷秋 作曲:呂文成 作詞:吳一嘯 (男) 我粗粗地亦有車 躝躝下亦幾趣 你要去邊一度 我車你即刻去 (女) No Good 無趣你架踎低咳 搣得碎 (男) 吖你咪睇衰佢 架車身似蠄蟝 車尾突出去 總之行就去 缽缽聲咁去 (女) 咪鬼拘 最弊要推住去 (男) 你太過多憂慮 新車點及得佢 你無謂笑 請坐啦包無衰 不必拘 (女) 無謂喇 (男) 一於坐車去 (女) 一於反對 (男) 我架踎低咳 任你一日去 任你一夜去 都好過躝躝下行去 一身蟻 鄭碧影、鄭君綿 原曲:Day-O 作曲:Irving Burgie 作詞:胡文森 男唱：唉唷唉唷 週身郁躝得一身都蟻 女唱：唉唷唉唷 週身郁躝得一身都蟻 男唱：拮得猶如用利錐拮入格肋底 　　　拮一拮 拮得有郁身郁勢 女唱：拮得痕痕癢癢真犀利 似錐仔 　　　拮幾拮拮得西身西勢 男唱：西吓西吓 西幾西西甩呢一身蟻 女唱：郁吓郁吓 心急急急得擺手擺勢 男唱：蟻咬暗暗抵咯 詐詐諦諦 女唱：喂 猛跳震跌啲蟻 詐詐諦諦 男唱：皆因搖頭揼地衫抆爛 褲都甩　 　　　架丟清今晚認真倒米 　　　唉唷唉唷 西不甩點西都一身蟻 女唱：唉唷唉唷 西不甩點西都一身蟻 合唱：當作跳舞姿勢詐詐諦諦 　　　我當跳舞新法夠曬架勢 　　　個個讚我好野你咪當曳噃 　　　失禮　失禮 飛哥跌落坑渠 鄭君綿,李寶瑩,鄧寄塵 原曲:Three coins in the fountain 作詞:胡文森 鄭：飛哥跌落坑渠　飛女睇見流淚 李：似醬鴨臭腥攻鼻 飛女夾硬扶住佢 鄧：飛哥跌落坑渠　飛女心痛流淚 李：臭夾壓個啲滋味 飛女索著唔順氣 鄭：索野索著「亞檬尼」 鄧：跳舞好似隻蟚蜞 李：應該跌落坑渠　百厭終歸會跌跛 鄧：猛咁跳盞仆崩鼻 鄭：一交撻直唔順氣 合：蠄渠氣　難下氣　難下氣 扮靚仔 鄭君綿 原曲:I Love You Baby 作曲:Paul Anka / J. Sherman 填詞:胡文森 扮靚仔，犘囉街舊鞋唔係曳，美國製， 領呔摩登花式真美麗，扮靚仔， 西裝逗泥唔係貴，咪當曳，人人話佢名貴。 起勢充硬闊少咬批，大疊老西， 鬼子佬屐夠威，查實鞋爛無底， 來頭贈閉最架勢，闊手段，我學齊， 實情我最逗泥。 扮靚仔，絲巾預防流鼻涕，摺到細， 灑啲香水清香兼巍麗，扮靚仔， 恤衫雜牌唔係貴，熨到靚，人人話佢名貴。 起勢充硬闊少靚仔，大疊老西， 皆因為女仔，錢剩埋亦要洗， 由人話我石罅米，你有你話，無問題， 為情最無問題。