Бәйдібек ауданында Шаян ауылында заманауи аллеяның құрылысы жүріп жатыр

Бәйдібек ауданында Шаян ауылында заманауи аллеяның құрылысы жүріп жатыр Шаян ауылының кіреберісінде заманауи үлгіде аллея салу жұмыстары жүріп жатыр. Тұрғын үй-коммуналдық шаруашылық және жолаушылар көлігі бөлімі тапсырыс берген нысанның құрылысына аудан бюджетінен 103 млн теңге бөлінген. Жандос Азизханов - Бәйдібек аудандық тұрғын үй-коммуналдық шаруашылығы және жолаушылар көлігі бөлімінің басшысы Жоба аясында балалар ойын алаңшасы, отбасылық демалыс аймағы, кіші сквер, аяқжол, газон, сондай-ақ су бұрқағын орнату жоспарланған. Құрылыс жұмыстары Әуезов көшесі бойында қарқынды жүргізілуде.Ауыл тұрғыны Жеңіс Рысқұлбековтың айтуынша, жаңа аллея ауылдың көркіне көрік қосып, тұрғындар үшін қолайлы демалыс орнына айналмақ. Жеңіс Рысқұлбеков- ауыл тұрғыны Арбат алаңын салу жұмыстары мердігер мекеме тарапынан жүзеге асуда. Соңғы жылдары Бәйдібек ауданында жол жөндеу, саябақтарды абаттандыру және көгалдандыру бойынша ауқымды жұмыстар атқарылып, тұрғындардың өмір сапасын жақсартуға үлес қосуда. Бұл аллея — сол маңызды жобалардың бірі.