ស្នេហ៏បាត់សម្រស់ ឯក ស៊ីដេ

ស្នេហ៍បាត់សម្រស់ -- ឯក ស៊ីដេ -- ១ មេឃធ្លាប់ស្រឡះប្រែជាងងឹត ធម្មជាតិក្រៀមស្វិតបាត់បង់សម្រស់ នឹករឿងស្នេហាកើតក្ដីស្រណោះ គ្រាកន្លងហួសគ្រប់អនុស្សា ។ ២ ស្រណោះមាត់ស្ទឹងអង្រឹងធ្លាប់យោល ចាំងឆ្លុះស្រមោលក្រោមខែភ្លឺថ្លា ស្រណោះសម្ដីស្បថស្បែសច្ចា ថាស្មោះស្នេហាលុះគ្រាក្សិណក្ស័យ។ បន្ទរ តើកម្មពៀរអ្វី អ្នកមកប្រល័យឲ្យខ្ញុំខ្លោចផ្សា ជីវិតអ័ព្ទអួព្រោះរឿងស្នេហា ឥឡូវសង្សារមានថ្មីចោលខ្ញុំ ។ ៣ ស្នេហ៍បាត់សម្រស់សម្ផស្សស្រីបង់ ក្ដីស្នេហ៍យូរលង់ក្នុងជម្រៅកម្ម រឿងកន្លងផុតមកជាយូរឆ្នាំ ណ្ហើយចុះទ្រាំចាំៗជួបជាតិក្រោយ ៕