حاجیاوا؛ جەژنی قوربان مەیدانی كڕین ‌و فرۆشتنی ئاژەڵانی قەرەباڵغكردوە

بەهۆی دابەزینی تمەن ‌و لیرەوە هاوردەكردنی ئاژەڵ لە توركیا ‌و ئێرانەوە زیادیكردوە مەیدانی ئاژەڵفرۆشان ئەو شوێنەیە كە هەموو ساڵێك پێش جەژنی قوربان بەراورد بە كاتەكانی تر زیاتر قەرەباڵغی بەخۆیەوە دەبینێت. بەڵام هێشتا كاریگەری قەیرانی دارایی لەسەر بازاڕی كڕین ‌و فرۆشتنی ئاژەڵان ماوە، ئاژەڵفرۆشەكانیش دەڵێن: هاوردەكردنی ژمارەیەكی زۆر ئاژەڵ لە توركیا ‌و ئێران لەلایەن بازرگانانەوە زیانی گەورەی بە ئاژەڵفرۆشانی ناوخۆ گەیاندوە. ساڵانە لەگەڵ نزیكبوونەوەی جەژنی قوربان، بەشێك لەو هاوڵاتیانەی قوربانی دەكەن ڕوو لە مەیدانی كڕین و فرۆشتنی ئاژەڵانی شارۆچكەی حاجیاوا دەكەن. هەرچەندە مەیدانەكە قەرەباڵغە‌و نرخی ئاژەڵیش تا ڕادەیەك هەرزانە، بەڵام بازاڕی كڕین ‌و فرۆشتن گەرم نییە. بەهۆی دابەزینی بەهای لیرەی توركی و تمەنی ئێرانی, ژمارەیەكی زۆر ئاژەڵ لەو دوو وڵاتەوە بەهۆی هەرزانی نرخەكەیانەوە هاوردەی هەرێم كراون, ئەوەش زیانی زۆری بە خاوەن ئاژەڵەكانی ناوخۆ گەیاندوە. جەژنی قوربان بۆنەیەكی ئاینی موسڵمانانەو موسڵمانان بەو بۆنەیەوە قوربانی دەكەن, بەڵام لە چوار ساڵی رابردودا قەیرانی دارایی كاریگەری هەبووە لە سەر رێژەی قوربانیكردن لە هەرێمی كوردستان ‌و تا ئێستاش كاریگەری قەیرانەكە ماوەتەوە.→ website: http://www.knn.krd/Default.aspx → Facebook:   / knn.krd   → youtube:    / tvknnc   →    / tvknnc   → Instagram:   / knn_kurdish   hl=en  / knncchannel