Forcat e Armatosura në çdo lagje të Tiranës për të monitoruar respektimin e rregullave

Në funksion të rritjes së ndërgjegjësimit të qytetarëve dhe për të respektuar rregullat e vendosura së fundmi për situatën e COVID – 19 dhe në funksion të mbrojtjes së shëndetit të çdo qytetari, Forcat e Armatosura kanë përforcuar prezencën e tyre në terren, në mbështetje të Policisë së Shtetit. Në terren ndodhen automjete të blinduara të Forcës Tokësore të pajisur me efektivë të kësaj force, të cilët kanë zbritur në çdo lagje të Tiranës, të ndarë në zona të ndryshme, për të mbështetur Policinë e Shtetit në drejtim të disiplinimit të gjithë qytetarëve, të cilët nuk respektojnë oraret dhe krijojnë kështu shpesh edhe një lloj rrezikshmërie për shëndetin e banorëve të karantinuar. Efektivët e FA do të jenë të pranishëm çdo ditë, gjithmonë në funksion të ndërgjegjësimit dhe më të mirës për qytetarët, konform rregullave të vendosura që prej datës 9 mars. Çdo qytetar që do të konstatohet se nuk respekton rregullat e vendosura, tashmë të bëra edhe publike, do të veprohet përmes masave administrative përkatëse. Subscribe: https://goo.gl/XBoLwB Abonohu: https://goo.gl/XBoLwB