Әйтеке би-380. Ортақ мереке

Өзбекстанның Науаи облысында Әйтеке би Байбекұлының 380 жылдығы кең көлемде тойланды. Үш күнге созылған халықаралық іс-шараға қазақ пен өзбек ғалымдар, қоғам қайраткерлері, ақын-жазушылар қатысты. Өзбекстанда болып келген тілшіміз Нұрбек Әмиша баяндайды. Қызылорда мен Науаи облысының арасында екі жақты ынтымақтастықты дамытуды көздейтін Жол картасы бар. Бұған Қызылорда облысының әкімі Нұрлыбек Нәлібаев пен Науаи облысының әкімі Нормат Тұрсынов қол қойған еді. Сондықтан өткені мен бүгіні, болашағы да бір екі елдің қос аймағы қатар дамып келеді. Тарихы ортақ өлкенің Науаи облысы Нұрата қонысында қазақтың әйгілі қайраткері Әйтеке би мен Жалаңтөс бахадүрдің әкесі Сейітқұл әулие жатыр. Дәл осы Нұрата қонысында Әйтеке бидің мерей тойы басталды. Текті әулеттің тарихы Сейітқұл әулие – Әйтеке би деп аталатын бұл кесене кешенде мазараттан бөлек, музей, мешіт және келген қонақтарға арналған ағаш үй бар. Зиярат жасап келген жан күллі түркі әлеміне ортақ Әйтеке би мен оның аталары Ораз, Тоқпан, Сейітқұл әулие, Ақша, әкесі Бәйбектің де қорымы осы жерде екенін біле жүргені абзал. Ал аты аңызға айналған Әйтеке би Тәуке хан тұсында Төле және Қазыбек бимен бірге ел мен жер тағдырын шешеді, Жеті жарғыны жазып, оны жүзеге асыруға атсалысады. Нәжмәддин Мұсабаев «Жалаңтөс Баhадүр» қорының төрағасы // Қазақ халқының алтын ғасыры деп аталатын Тәуке заманында Әз Тәукені үш жүздің ханы етіп сайлауға үлес қосқан адам. Сол кездің өзінде Әйтеке бабамыз «бір ханға, бір пірге, бір әскери қолбасшыға бағынуы керек», - деп айтқан. Сонда қазақты алатын жау жоқ деп. Ол қазіргі заманмен де сәйкес келіп тұр. Акрам Мукимов, Науаи облысы мәдениет басқармасының басшысы //Біздің уалаиятымыз көп ұлтты. Тамды, Кенимех, Зарафшан, Үшқұдық аудандарында қазақтар тұрады. Сондықтан біз бір-бірімізді жақсы түсінеміз. Өткеніміз бен бүгінімізді бағалаймыз. Осы шараға Қазақстан тарапынан мәртебелі меймандар келіп, екі халықтың арасындағы мәдени-рухани байланыстың тереңде екені дәлелденіп жатыр. Мұның бәрі қатынасты одан әрі жақсарта түсуге септігін тигізеді. Ербол Еркебаев «Сейітқұл әулие – Әйтеке би» қоғамдық қорының төрағасы //Мұның бәрі достықтың белгісі деп ойлаймыз екі елдің арасындағы. Қазақтың өзі рулық емес, ұлттық деңгейге көшіп жатыр. Төле би қоры, Қазыбек би қоры келіп жатыр.// Айтпақшы, Әйтеке би басындағы күмбезі күншілік жерден көрінетін кесене 2008 жылы салынды. Оның басы-қасында жүрген сол кездегі Қазақстанның Өзбекстандағы елшісі Зауытбек Тұрысбеков болатын. Зауытбек Тұрысбеков қоғам қайраткері //Бұл жерде мына бейітте жатыр екен деп хабар келген. Таптық. Кішкентай таста Әйтеке би деп жазып қойыпты. Сонан соң жігіттерді жинай бастадым. 7 жігітті жеті атымтай атадық, қаржысын тігіп кесене көтеретін болдық. Мен жүрген жерімде былай деймін. 7 атымтай азамат ақшаинап жасадық, юүд кесенені ел жүр, біреу ақшасы, көқңілін қосты, ел болып, ынтымақ арқасында, өзбек қазақ арсында осынлдай керемет дүниені жасадық. // Бауырлас елдің бағасы Мерейтой аясында Науаи облысының әкімі Нормат Тұрсынов Қазақстаннан келген делегаттарды қабылдап, өз тілегін жеткізді. Нормат Тұрсынов Науаи облысының әкімі Қызылорда облыстық филармониясының концертін науаилықтар тік тұрып тамашалады. Ал қазақ, өзбек және қырғыз ақындарының айтысында қызылордалық Мұхтар Ниязов бас жүлдені жеңіп алды. Үш күнге созылған баба тойында спорттық жарыстар, әдеби кештер болды. Бауырлас Қазақ-өзбек ынтымақтастығының айқын көрінісіндей болған мерейтой достықтың туын онан әрі желбірете береді деген сенім мол. Сайт - https://qyzylordatv.kz/ru/live Facebook -   / qyzylordatv   Instagram -   / qyzylordatv   Telegram - https://t.me/qyzylords_tv Tiktok -  / qyzylorda_tv