زياد الدساس - العيله | Zeyad El-Dassas - El 3ela

تابعوني على اكونتاتي الرسميه ❤️⤵️ ---- Facebook |   / zeyadeldasas   ---- Instagram |   / zeyadeldassasofficial   ---- الكلمات : ---- انا مش جاي انكد ولا جاي في عتاب بس بجد خلاص تعبت و بانت اعراض الانسحاب انا متساب .. لا ليا عيله ولا احباب حقي سيبته بس ربنا هيجيبهولي يوم الحساب و ده مش عشان ضعيف .. انا بس كنت بحبك انا كنت اعمى و كفيف مشوفتش خالص كدبك كل اللي فات تخاريف معرفش ازاي آمنتك ؟ اخرتها انا اشتريك و احميك و الضربه تجيلي منك ! فضلت احب فيك و انا عارف انك فيك و فيك بدعيلك من قلة اصلك دي ربنا يشفيك انا دورت و مش لاقيك انت فين انا مش لاقيك ؟ مش كل مره هترجع هتلاقيني مستنيك فضلت بحكي ليك عن كل اللي بيخذلني كل اللي باعوا دول زمان انا قولت عليهم مني ازاي هآمن تاني و انا اساساً مش مآمني ؟ انا سلمتك رقبتي و متخيلتش يوم تقتلني ---- انا حد محدش اصلاً جمبه .. الدنيا خدت منه كل احلامه حتى حبايبه انا حد الجرح مكانش سايبه .. بحزن كل ما الاقي اب بيطبطب على ابنه ابنك كبر .. و بقى يخبي حزنه و بيتقهر كان نِفسي بجد انك تسمعني مكانش نِفسي اتشهر انا مهما بنجح عمرك بيا ما بتنبهر كان نِفسي احس مره واحده انك بيا بتفتخر انا مش محتاجك .. ولا عايز منك حاجه هروح اصلي و احكي لـ ربنا على كل حاجه مطلبتش فلوس ولا كنوز انا كنت عايز حاجه كنت عايزك تبقى جمبي وقت الحاجه هجيب من الاخر .. انتوا عيلتي و انا في الاخر يادوب انسان بيعبر عن رأيه بشكل تافه يادوب عيل مش فاهم .. انسان فاشل مش عاقل و عشان مسمعتنيش طلعت همي في السجاير ---- كله اتمسكن لحد ما مني اتمكن .. ولا اخ ولا حبيب ولا قريب انا حالي يحزن و مين يسمعني و مين يحس بـ همي بدعي ربنا انه يجيبلي حقي في كل اذان بيأذن لوحدي و كفا .. مشوفتش فيكوا الدفا سيبت حقي بس عشان العِشره مش عشان انا هفأ دموعي نزلت لما الباب عليا اتقفل انا كان جوايا حد بيعرف يفرح بس اختفى فقدت الشغف .. مبقتش قادر اعيش قلبي بقى فنجان مكسور مركون سنين في النيش و انا مش ذنبي يعني انكوا محبيتونيش لو عايز تخسرني هساعدك مش هقولك متخسرنيش بين عركه و عركه انا مبهداش و محدش حاش بنام الصبح و اصحى في ليلي بقيت زي الخفاش كام واحد فيهم شاف دموعي عمل نفسه مشافهاش و اللي جرحه سببه اهله .. و الله مبيشفاش ---- كل الجرح ده مكانش سهل .. متدمر من كل حاجه مكنتش حمل ضغط الاهل محدش منهم وقف جمبي كله مني مل مفيش منهم حنيه ده انا بقيت بـ فشلي اتذل انا مهما ببكي في اوضتي لوحدي صوتي مش مسموع قسوتكوا عليا دي اللي خلتني مجيبتش مجموع محدش فيكوا سأل مالي ولا ايه الموضوع بضحك دايماً و انا موجوع و بكتم جوايا الدموع قال عيله قال .. دول شيلوني هموم جبال و عشان ممسكش في حبل دايب قطعوا الحبال قصقصوا الجناحات عشان مطيرش و قالوا لازم تتشال دول خلوني احس ان انا يتيم و انا وسط العيال انا كل ما احس ان انا لوحدي عيني بتدمع كل اما بطلب منك حب اسمع كلام بيوجع علمياً ليا عيله عملياً كله بيخلع اهرب يا سيمبا .. اهرب بعيد و اوعى ترجع ---- Written By : Zeyad El-Dassas Vocals : Zeyad El-Dassas Music : (Prod By : Zeyad El-Dassas) Rec By : Zeyad El-Dassas Mix & Master By : Zeyad El-Dassas Design By : John Romany Artwork By : Mazikati ---- #زياد_الدساس #العيله