Սոցիալ-դարվինիզմից մինչև 1915 թվական. Ռեգինա Գալուստյան. Մաքուր Պատմություն

Հայոց ցեղասպանության գաղափարական հիմքերը ձևավորվեցին Օսմանյան կայսրության վերջին տասնամյակների քաղաքական և մտավոր ճգնաժամի պայմաններում։ Երիտթուրքական շարժումը սկզբում հանդես էր գալիս սուլթանական բռնապետության դեմ՝ խոստանալով սահմանադրական կարգ, հավասար իրավունքներ և կայսրության վերափոխում։ Սակայն ժամանակի ընթացքում շարժման առավել ռադիկալ թևը որդեգրեց ազգայնական և բացառող քաղաքականություն։ Այս փոփոխության վրա մեծ ազդեցություն ունեցան Եվրոպայում տարածված սոցիալ-դարվինիզմի և ռասայական տեսությունները, որոնց համաձայն ժողովուրդների միջև պայքարը դիտվում էր որպես «բնական ընտրություն», իսկ «ուժեղ ազգերի» գերակայությունը՝ որպես պատմական անհրաժեշտություն։ Բալկանյան պատերազմներում Օսմանյան կայսրության ծանր պարտությունները, տարածքների կորուստը և պետության մասնատման վախը ավելի խորացրին այդ մտածողությունը։ Հայերը, որպես կազմակերպված և քաղաքական պահանջներ ներկայացնող քրիստոնյա ժողովուրդ, ներկայացվեցին որպես «ներքին թշնամի» և կայսրության գոյությանը սպառնացող ուժ։ Երիտթուրքական իշխանությունը միաժամանակ օգտագործեց թե՛ պանթուրքական և ռասայական գաղափարախոսությունը, թե՛ իսլամական ջիհադի կոչերը՝ բռնություններին զանգվածային աջակցություն ապահովելու համար։ Այս կերպ ցեղասպանությունը ներկայացվեց ոչ միայն որպես քաղաքական «անհրաժեշտություն», այլև որպես գաղափարապես արդարացված գործողություն, որը 1915 թվականին վերածվեց հայ ժողովրդի ծրագրավորված բնաջնջման։ Թեմայի շուրջ պատմական գիտությունների թեկնածու Սուրեն Մանուկյանը զրուցել է պատմական գիտությունների թեկնածու Ռեգինա Գալուստյանի հետ: Մաքուր Պատմություն Տելեգրամ https://t.me/unfiltered_history t.me Սփոթիֆայ https://open.spotify.com/show/5TlF8B0... Յութուբ    • "Մաքուր պատմություն"   https://www.patreon.com/UnfilteredHis... www.patreon.com https://boosty.to/unfiltered.history.... boosty.to https://www.donationalerts.com/r/unfi... www.donationalerts.com