Zjarr i madh në ullishte në Drizë të Fierit, rrezikohet një lokal pranë zonës

Një sipërfaqe me ullishte është përfshirë nga flakët mesditën e sotme në 5 korrik në Drizë të bashkisë Fier. Pas njoftimit nga banorët , në vendngjarje kanë shkuar menjëherë shërbimet zjarrfikëse të cilat po punojnë për shuarjen e flakëve, të cilat favorizohet nga era. Operacionit i janë bashkuar dhe banorët e zonës, të cilët po i vijnë në ndihmë zjarrfikësve me mjete rrethanore, raporton gazetarja e Klan News Anila Sefa. Fatmirësisht zjarri ndodhet larg qendrës së banuar, por banorët thonë se terreni i vështirë për shkak të mungesës së rrugëve në parcela, vështirëson ndërhyrjen e mjeteve zjarrfikëse. Zjarri i madh avancon, rrezikon një lokal në zonë Zjarri mësohet se është duke avancuar, i favorizuar edhe nga era e fortë. Po rrezikohet që të përfshihet nga flakët edhe një lokal pranë zonës. Forcat e shërbimit zjarrfikës po punojnë intensivisht për ta mbajtur situatën nën kontroll dhe për të parandaluar përhapjen e mëtejshme të flakëve. Në vendngjarje janë zjarrfikëse të Fierit, Roskovecit, Patosit, Albpetrolit, ndërsa pritet ndërhyrje nga ajri. Situata paraqitet problematike, pasi flakët janë përhapur në një sipërfaqe të gjerë dhe pranë zonës se banuar. Kështu është shprehur përgjegjësi i sektorit të Mbrojtjes Civile pranë Prefekturës Fier, Kreshnik Ymeraj. 10 mjete zjarrfikëse dhe 50 efektivë po operojnë në terren, ndërkohë që prioritet po i kushtohet mbrojtjes së banesave. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan