كيفية التصوير صور احترافية بكاميرا Mate 10 Lite

مساء الخير .. ازاي تطلع صور نضيفة ؟ حبة حاجات لو عرفتها و اهتميت بيها و انت بتصور ، هتفرق معاك في الصور اللي بتطلعها، في وقت من الاوقات لازم تبطل تصور عشوائي و لازم نراعي ان الصور لا بد ان تتمتع بخضائص لها طبيعة فوتوجرافية طب زي ايه مثلا ، ابه اللي هيطلعلي صور كويسة ؟ في حبة نقط اهتم بيهم 1- زاوية التصوير ، انت لو خليت زاويتك مبينة موضوع الحاجة اللي بتصورها بوجهة كويسة " فكرة الصورة واضحة " ، صور من كذا زاوية عشان توصل لاحسن واحدة ، اهتم انها تكون على مستوى الجسم او أقل من مستواه ، و في زاوية التصوير المهم جدا تطلع خلفية حلوة . 2 - متخليش محتوى الصورة و تكوينها شئ عادي ، عناصر الصورة متبقاش فقيرة مثال : وردة لوحدها مش كفاية جيب سماء او جنينة يبان حتى اجزاء منها بس تغذي عناصر الصورة . و متزودش اوي لان الصورة الجميلة في البساطة . 3 - الاضاءة حاول تظبطها على قد ماتقدر ، متضعفش الصورة من الاضاءة ، استعمل الشمس أحسن اضاءة و متكونش مباشرة بردو ع اللي هتصوره ، خليها سوفت او من انعكاسها ، متطلعش الشمس في الصورة لو هي مش مصدر اهتمامك ، خليها في ضهرك وقتها هيكون ليها فايدة . 4 - أكتر حاجة هتفرق معاك انك في زاوية التصوير تجيب الحاجة اللي انت هتصورها في مكان من اربع اماكن القوة في الصورة ، طب تعرفهم منين ، هتلاقي في اعدادات الكاميرا حاجة اسمها Grid "شبكة " .. و هي عبارة عن اربع خطوط كل خطين متوازيين متعامدين ع الخطين التانيين ومتقاطعين ، التقاطع دا هي دي نقط القوة ، حط الجسم اللي انت عايز تصوره مش في النص او ع الحرف خالص ، بس حطها في واحدة من التقاطعات دي ، هتفرق معاك لان بتبين الجسم مع خلفية و تساويها 5 - ركز على الجسم اللي هتصوره بالفوكس ، عشان يخلي الانتباه عليه أكتر من عناصر الصورة ، في كاميرات التلفون بتدوس على الجسم من الشاشة بيعمل عليه فوكس تلقائي . 6- بلاش ميل في الصورة بدون مبرر ، الميل ممكن يبوظلك صورة مثالية ، الصورة المعدولة مريحة للعين ، و بردو ممكن يكون ليه استخدام بتعتمد على موضوع الصورة . 7- خلي في الصورة خطوط و تناسق ، بلاش عشوائية ، يعني مبنى متناسق صوره اليمين زي الشمال ، متخليهو معووج او مرمي في حرف من الصورة لو اهتمامك عليه 8 - أهتم بالتلت و التلتين في تصوير البحر و السماء ، خلي واحد منهم التلت و التاني التلتين ، بلاش نص نص دي .. حبة نصايح كدا تصور جسم وراه شمس هبعملك حاجة اسمها " سلوليت" يعني الجسم بيضلم و وراه نور ، بيبقى منظره حلو ، انعكاس الشمس في الماية ، او انعكاس جسم في الماية بيدي شكل كويس ، ضيف ظل للاجسام ، شبع الصور من الالوان ، ساعات الابيض و اسود دا بيحكي حواديت في الصور ، متخليش الصورة من غير هدف ، خلي ليها موضوع و عمق فيها ، خلي الصورة تتكلم و توصف نفسها ، لو هتقارن صورك بصور انت شايف انها ضعيفة متعملش دا ، و قارنها بصور انت شايفها قوية ، التصوير دا اكتر حاجة ممكن تطلع فيها خيالك ، ابداعك ، موهبتك طورها .. و ركز جدا و انت بتصور .. الصور أحبانا بتحتاج لتعديل ، او ريتوتش خفيف كدا او فلتر .. ف الموضوع دا ليه شرح لوحده :"D دا فيديو انك تصور بال Mate 10 Lite و حبة اوبشن فيها .. بدرا ان شاء الله هنزل شرح تصوير لكام حاجة معملتهاش زي التصوير الليلي و الLight Painting .. لو الشرح عجبك اعمل فولو تقديرا للمجهود و عشان اما انزل حاجة تاني D": Www.facebook.com/The.demo.ana